«Astana» velokomandasynyń ókili Alekseı Lýsenko Italııa tasjolynda ótken «Memorıal Marko Pantanı» birkúndik velojarysynda top jardy. Bul otandasymyzdyń osy maýsymdaǵy 10-shy jeńisi.
Otandasymyz máre syzyǵyna eki shaqyrym qalǵanda pelotonnan bólinip, shabýylǵa shyqty. Qarsylastaryn shań qaptyryp, basymdyǵyn jarys sońyna deıin saqtap qalǵan Lýsenko jeńimpaz atandy. Ekinshi oryndy ıtalııalyq Dıego Roza (Sky) ıelense, úzdik úshtikti fransııalyq Gııom Martan (Wanty-Groupe Gobert) qorytyndylady.
Lýsenkonyń bul jetistigi «Astana» velokomandasynyń osy maýsymdaǵy 36-shy jeńisi boldy. Sóıtip qazaqstandyq komanda óz rekordtaryn jańartty.