Aýyr atletıkadan Taılandta ótip jatqan álem chempıonatynda London Olımpıadasynyń jeńimpazy Zúlfııa Chınshanlo tórtinshi oryn aldy, dep habarlaıdy UOK baspasóz qyzmeti.
55 kıloda synǵa túsken qazaqstandyq atlet qossaıys qorytyndysy boıynsha 213 (93+120) kılo ziltemirdi baǵyndyrdy. Alaıda, bul kórsetkish júldegerler qataryna ený úshin jetkiliksiz edi. Bul básekede qytaılyq Sýnıýn Lıao (227 kg) top jardy. Ekinshi oryndy taǵy bir qytaılyq sportshy Vansýn Chjan ıelense, úzdikter úshtigin fılıppındik atlet qorytyndylady.
Aıta ketelik, erler arasyndaǵy 55 kılo salmaqta qazaqstandyq Igor Son kúmis júldeger atanǵan bolatyn. Aldaǵy ýaqytta jarys jolyna Ilıa Ilın (96 kg), Denıs Ulanov (89 kg), Nıjat Rahımov, Aıdar Qazov (81 kg) shyǵady.