Bul týraly Úkimettiń baspasóz qyzmeti habarlady.
Qazaqstan Respýblıkasynyń aýyl sharýashylyǵy mınıstriniń buıryǵymen Gúljahan Amangeldiqyzy Bımendına QR Aýyl sharýashylyǵy mınıstrliginiń Jer resýrstaryn basqarý komıtetiniń tóraıymy qyzmetine taǵaıyndaldy.
Gúljahan Bımendına 1969 jyly 15 qazanda dúnıege kelgen. 1996 jyly Máskeý qalasynda Memlekettik jerge ornalastyrý ýnıversıtetin támamdaǵan.
Eńbek jolyn 1996 jyly Soltústik Qazaqstan oblystyq jer qatynastary jáne jerge ornalastyrý komıtetiniń qurylymynda bastady. Bas maman, jerge ornalastyrý ınjeneri, aýdandyq komıtet tóraǵasy, bólim bastyǵy, oblystyq komıtet tóraǵasynyń orynbasary, basqarma bastyǵy, ınspeksııa bastyǵynyń orynbasary, ınspeksııa bastyǵy laýazymdaryn atqardy.
2012 jyly QR Jer resýrstaryn basqarý agenttiginiń jaýapty hatshysy qyzmetine taǵaıyndaldy.
2013-2014 jyldary — О́ńirlik damý mınıstrliginiń Jer qatynastary jáne geodezııa salasyndaǵy retteý departamentiniń dırektory.
2014-2016 jyldary QR Ulttyq ekonomıka mınıstrliginiń Infraqurylymdy damytý departamenti dırektorynyń orynbasary boldy.
2016 jyldyń maýsymynan qazirge deıin QR Aýyl sharýashylyǵy mınıstrliginiń Jer resýrstaryn basqarý komıteti tóraǵasynyń orynbasary bolyp jumys istedi.