Yntymaqtastyqty óristetý basty ustanym

Keńes Qazaqstan Respýb­lıkasynyń Tuńǵysh Prezıdenti – Elbasy Nursultan Nazarbaevtyń eýrazııalyq ıdeıasynyń 25 jyl­dyǵyna arnalyp otyr. Sharaǵa Eýropa men Azııanyń 65 elinen parlamenttik delegasııalar men halyqaralyq parlamenttik 14 uıymnyń ókilderi qatysýda.

Senat Tóraǵasy Darıǵa Nazar­­bae­vanyń Qyrǵyz Respýb­lı­­kasy Jogorký Keneshiniń Tór­aǵasy Dastan Jumabekovpen kez­desýde eki el arasyndaǵy qaty­nastardyń aýqymdy máse­le­leri talqylandy. D.Nazar­baeva­nyń aıtýynsha, eki respýb­lıka parlamentshileriniń únqa­tysýy men Parlamentaralyq ke­ńestiń nátıjeli jumysy onyń mańyzdy bólshegi bolyp tabylady.

«Tarıhtyń baılyǵy, til men má­denıettiń ortaqtyǵy Qazaq­stan men Qyrǵyzstan yntymaq­tas­tyǵyn damytýdaǵy mańyzdy máse­le bolyp tabylady. Bizdiń máde­nı-gýmanıtarlyq baılanys­tarymyzdy nyǵaıtýdy jalǵas­tyrý qajet dep sanaımyn», – dedi D.Nazarbaeva.

Qazaqstan Parlamenti Sena­tynyń Tóraǵasy Darıǵa Na­zar­baeva Belarýs Respýblıkasy Ulttyq Jınalysy О́kilder pala­­tasynyń Tóraǵasy Vla­dı­mır Andreıchenkomen kezdesý­de elder arasyndaǵy yntymaq­tastyqtyń mańyzyn atap ótti. V.Andreıchenko Qazaqstan Eý­razııa keńistiginde ǵana emes, álemdik arenada da beıbitshilik pen kelisimdi jáne yntymaqtas­tyq­­ty nyǵaıtýda aýqymdy is­ter­di atqaryp kele jatqanyn aıtty.

«Sizdiń elińizdiń halyq­ara­lyq bedeli zor. Búgingi sharanyń osyn­daı joǵary deńgeıde ótýi de kez­deısoq emes. Bul kóp­jyl­­dyq strategııa men nátı­­jeli dıp­lo­matııalyq baǵdar­dyń kór­setkishi», – dedi V.Andreı­chenko.

Senat Tóraǵasy Oman Sulta­­naty Konsýltatıvtik keńesiniń Tóraǵasy Halıd Hılal Nasser al-Maýalımen kezdesýde eki­jaqty yntymaqtastyq másele­lerin talqylady. Oman ókili jyly shyraıly qabyldaýlar úshin Darıǵa Nazarbaevaǵa alǵysyn bildirdi jáne dinaralyq kelisim men ultaralyq dostyqty qoldaýdaǵy Qazaqstannyń álemdik bedelin atap ótti.

Senat Tóraǵasy Qatar Kon­sýl­tatıvtik keńesiniń Tóraǵasy Ahmad ben Abdalla ben Zaıd Ál Mahmýdpen kezdesýde Qazaqstan men Qatardyń yntymaqtastyǵyn tereńdetýdiń keleshegin talqy­lady. D.Nazarbaevanyń pikirin­she, Qatar Qazaqstannyń Taıaý Shy­ǵystaǵy eń mańyzdy áriptes­teriniń biri bolyp tabylady. «Biz­diń halyqaralyq bastamalarymyzdy udaıy qoldap kele jatqany úshin Qatar tarapyna alǵys aıtamyz», – dedi Senat basshysy.

Senat Tóraǵasy D.Nazarbaeva men Túrkııa Respýblıkasynyń Uly Ulttyq jınalysynyń Tór­aǵasy Mustafa Shentop eki el arasynda qalyptasqan strate­gııalyq áriptestikke 10 jyl tol­ǵandaǵy kezdesýdiń erekshe máni bar ekenin atap ótti. Senat Tór­aǵasy osy yntymaqtastyqta baýyr­las halyqtardyń mádenı-tarıhı ortaqtastyǵyn damytý­dyń róli týraly atap ótti. D.Nazarbaevanyń aıtýynsha, aımaqtyq jáne jahandyq saıası úderisterge Qazaqstan men Túrkııanyń yqpaly arta túsýi men olardyń musylman jáne túrki álemindegi bedeli ekijaqty qatynastardy damytýǵa jańa múmkindikter týǵyzatyn bolady.