Qazaqstannyń Qorǵanys mınıstrligi 1941-1945 jyldary II Dúnıejúzilik soǵysta mert bolǵan qazaqstandyqtardyń máıiti men Reseı Federasııasy Ivanov oblysy aýmaǵynda jerlengeni jaıly málimet aldy. Bul týraly Qorǵanys mınıstrliginiń baspasóz qyzmeti habarlady.
Málimetter Ivanov oblysynyń áskerı komıssarıatyndaǵy áskerı jerlengender esebindegi derekterden alynyp, Reseıdiń Qorǵanys mınıstrliginen Qazaqstan Qorǵanys mınıstrliginiń meken jaıyna jiberilgen.
Tizimde 73 qazaqstandyq bar. Qazaqstannyń ártúrli oblystary, qalalary men aýdandarynyń qatardaǵy jaýyngerleri, efreıtrler, serjanttary, kapıtandary men starshınalary Ivanov, Komsomolsk, Kohma, Pýchej, Kıneshma, Teıkova qalalarynyń, sonymen qatar, Ivanov oblysyndaǵy №1 jáne 2-zırattarynda jerlengen.
Osyǵan deıin jaýyngerlerdiń qaza bolǵan jerleri men máıitteriniń orny belgisiz bolǵan edi. Bul málimetter qazaqstandyqtarǵa jaqyndaryn tabýǵa septigin tıgizýi múmkin.
Qazaqstannyń Qorǵanys mınıstrligi elimizdiń óńirlerindegi jergilikti áskerı basqarma organdary arqyly qaza bolǵan jaýyngerlerdiń týǵan-týystaryn izdeý jumystaryn júrgizedi.