Elimizde «Eko saǵat» respýblıkalyq aksııasy bastaldy. Elorda mektepteriniń aýmaǵynda 2,5 myńnan astam aǵash otyrǵyzyldy. «Eko saǵat» respýblıkalyq aksııasyna mınıstrler, memlekettik organdardyń basshylary, aýdan ákimderi, oqýshylar, muǵalimder jáne qala turǵyndary qatysty. Bul týraly Nur-Sultan qalasy ákimdiginiń baspasóz qyzmeti habarlady.
Aksııaǵa 6 myńnan astam adam qatysty. Premer-Mınıstrdiń orynbasary B.Saparbaev pen elorda ákimi A.Kólginov №76 mektep oqýshylarymen kezdesip, qorshaǵan ortaǵa uqypty qaraý qajet ekendigin aıtyp, oqýshylarmen birge aǵash otyrǵyzdy.
Vıse-premer B.Saparbaev oqýshylardy qorshaǵan ortaǵa uqypty qaraýǵa, sondaı-aq bilim men eńbekqorlyqqa umtylýǵa shaqyrdy.
«6 qazan-qorshaǵan ortany qorǵaý kúni. Merekege oraı úkimet ákimdiktermen birlese otyryp, Qazaqstannyń barlyq mektepterinde eko-saǵattar ótkizdi. Aksııa 7 myń mektepti qamtıdy. Oǵan 3 mln-nan astam oqýshy qatysady. Tabıǵatty qorǵaý óte mańyzdy. Dástúr boıynsha bizdiń halqymyz aǵashty barlyq jerlerde otyrǵyzǵan.», - dep atap ótti ol.
Elorda ákimi A.Kólginov jazda Qazaqstan Respýblıkasynyń Prezıdenti #Birge #TazaQazaqstan eko-chellendj qozǵalysyn qoldady, «stýdentter men jastardyń belsendi qatysqany asa qýantty»dep atap ótti. Jazda sý qoımalary, ózender men kólderdiń jaǵalaýlary qoqystan tazartyldy. «Elbasy elordany kóshirgen kezde, jasyl beldeý jobasyn júzege asyrýǵa kiristi. Qazirgi tańda qala ormanmen qorshalǵan, bul úlken eńbek. Orman-bizdiń qalamyzdyń ókpesi. Ekologııanyń jaqsy kúıde bolýy, úıdiń taza turýy tek ózimizge ǵana baılanysty. Biz otyrǵyzatyn aǵashtarǵa kútim jasap, sýarý kerek. Birneshe jyldan keıin bul aǵashtar ósip, jaıly ómir súrýimizge septigin tıgezin bolady. Al sizder osy aǵashtardy otyrǵyzǵandaryńyzdy maqtan tutatyn bolasyzdar», - dedi A.Kólginov.
16 qyrkúıekten 13 qazanǵa deıin elordany abattandyrý, kógaldandyrý jáne sanıtarlyq tazalaý boıynsha ekologııalyq aılyq jarııalandy.