Búgin túngi saǵat 3:49:20-da QR BǴM ǴK STÁE memlekettik mekemesiniń seısmıkalyq stansııalary 10 shaqyrym tereńdikte sezilgen jer silkinisin tirkedi. Bul týraly Almaty qalasynyń tótenshe jaǵdaılar departamenti habarlady.
Jer silkinisiniń oshaǵy Almatydan shyǵysqa qaraı 140 shaqyrym jerde ornalasqan. Jer silkinisiniń energetıkalyq klasy 14.0. Magnıtýdasy MPV 5.5. Oshaǵynyń koordınaty 42.97° soltústik endigi 78.61° shyǵys boılyǵy. Sezilýi týraly aqparat (MSK-64 shkalasy boıynsha): Saty aýyly – 3 ball, Almaty – 2 ball.
Almaty qalalyq Tótenshe jaǵdaılar departamenti jergilikti atqarýshy organdarǵa, prokýratýra, «Qazseldenqorǵaný» jáne basqa uıymdarǵa habar berdi. PD shuǵyl basqarý ortalyqtarynyń málimetteri boıynsha, patrýldik ýchaskelerde jaraqat alǵandar men qıraǵan ǵımarattar joq.
Gıdrotehnıkalyq nysandarda, kóshkin jáne sel qaýipi bar ýchaskelerde zaqymdaný, jerdiń shógýi jáne shytynaý anyqtalǵan joq.