Búgin Taldyqorǵanda «Ekosaǵat» respýblıkalyq aksııasynyń aıasynda 5 myń aǵash otyrǵyzyldy. Aksııaǵa Almaty oblysynyń ákimi Amandyq Batalov qatysty, - dep habarlaıdy Almaty oblysy ákiminiń baspasóz qyzmeti.
Amandyq Batalovpen birge ardagerler, depýtattar, qoǵam qaıratkerleri, úkimettik emes uıymdar men BAQ ókilderi «Qaratal» shaǵyn aýdanynda «Shahmat» shaǵyn skveriniń mańynda kóshetter ekti. Sondaı-aq jas kóshetter «Jastar» saıabaǵynda, turǵyn úı aýlalarynda, qala mektepterinde otyrǵyzyldy.
Atap ótsek, aksııa qoǵamda ekologııalyq mádenıetti qalyptastyrý, jastardy patrıottyqqa tárbıeleý, qorshaǵan ortaǵa qamqorlyq tanytýǵa úndeıdi.
Eske salsaq, buǵan deıin respýblıkalyq «Ekosaǵattyń» birinshi kezeńinde oblystaǵy bilim mekemeleriniń aýlalaryna 30 myńnan astam aǵash egilgen bolatyn.