Jek kórý sezimi ǵylym kózimen: Discovery Channel adam agressııasynyń tabıǵaty týraly aıtady. Dáris barysynda telearna sarapshysy Svetlana Rýdoı adamdardyń órkenıettiń kúlli tarıhynda osy sezimge nege ushyraıtynyn túsindiredi.
22 qazan kúni Nur-Sultan qalasyndaǵy ForteBank ǵımaratynda Discovery Channel sarapshysynyń "Nege biz jek kóremiz?" taqyrybyndaǵy ǵylymı dárisi ótedi. Psıholog, geshtalt-terapevt, Kalıfornııa otbasylyq psıhoterapııasy ýnıversıtetiniń sertıfıkatyn ıelengen jattyqtyrýshy Svetlana Rýdoı adam tabıǵatynda jek kórýshilik sezimi nege jáne qalaı paıda bolatynyn jáne osy joıqyn qasıetke jaýapty mı men júıke júıesiniń aspektileri týraly aıtyp beredi.
О́shpendilik pen dushpandyq sezimderi adamı qarym-qatynasta tirshilik paıda bolǵannan beri bar. Osydan týatyn genosıtter, soǵystar jáne saıası qaqtyǵystar barysynda mıllıondaǵan adamdar jappaı joıyldy, al jek kórýshilik negizinde túrli áleýmettik toptar kemsitýshilikke ushyrady. Jek kórýshilik kez kelgen jastaǵy, jynystaǵy jáne ulttaǵy adamdarǵa tán – kúndelikti ómirde, mysaly, áleýmettik jelilerde nemese mektepterde qorqytý-qorlaýmen, álimjettikpen kórinis tabýy múmkin. Bul sezim kópshilikke tanys bolǵanymen, onyń paıda bolý jáne baıqalý mehanızmderi jaıynda barlyǵy bile bermeıdi.
Jek kórýdiń fızıologııalyq jáne psıhologııalyq sebepterine úńiletin dáris barysynda siz Discovery Channel-diń "Nege biz jek kóremiz?" atty derekti jobasynyń fragmentterin tamashalaı alasyz. Jobanyń atqarýshy prodıýserleri – "Oskar" syılyǵynyń ıegerleri Stıven Spılberg pen Aleks Gıbnı. Bul kartına agressııanyń kórinisterimen qalaı kúresýdi úıretýge jáne bolashaqta óshpendilik sebepterin boldyrmaýǵa arnalǵan zertteýge negizdelgen. Fılmde jek kórýdiń ártúrli jaǵdaılary qozǵalady. Máselen, áleýmettik jelilerdegi óreskel qarama-qaıshylyq, dinı baǵyttaǵy qaqtyǵystar, saıası kózqarastardyń ártúrliligine baılanysty dushpandyq, ultyna baılanysty kemsitýshilik jáne sporttyq jarystar barysyndaǵy agressıvti básekelestik.
Dáris aıaqtalǵannan keıin siz spıkerge jek kórýshilik týraly ózińizdi qyzyqtyrǵan barlyq saýaldaryńyzdy qoıa alasyz. Svetlana Rýdoı, sondaı-aq ınteraktıvti sabaq ótkizedi, onyń aıasynda árkim ózindegi jek kórýshilik sezimi jáne onymen qalaı kúresý kerektigi týraly jan-jaqty bile alady.
Dáriske kirý úshin mynaý silteme boıynsha aldyn ala tegin tirkelý qajet. Dáristiń bastalý ýaqyty: 19:30. Baılanys telefony: + 7 (701) 887 83 26