Parlament Senaty Tóraǵasynyń orynbasary Asqar Shákirov pen Senat depýtaty Erik Sultanov 13-17 qazan kúnderi Belgradta ótken Parlamentaralyq odaqtyń 141-shi assambleıasynyń jumysyna qatysty, dep habarlady osy palatanyń baspasóz qyzmeti.
Bıyl 130 jyldyǵyn atap otyrǵan Parlamentaralyq odaq assambleıasy parlamenttik dıplomatııany jáne parlamentaralyq únqatysýdy ilgeriletýge baǵyttalǵan bedeldi ári burynǵy halyqaralyq uıymdardyń biri. Uıym quramyna 179 el men 14 aımaqtyq parlamentaralyq uıym kiredi.
A.Shákirov forým aıasynda Parlamentaralyq odaq basshylarymen, sondaı-aq uıym qyzmeti jáne ekijaqty yntymaqtastyqtyń keleshegi máseleleri boıynsha birqatar elderdiń parlamentshi- lerimen kezdesýler ótkizdi.
Assambleıa aıasynda Senat Tóraǵasynyń orynbasary «Eýrazııa» geosaıası tobynyń otyrysyna qatysty. Parlamentaralyq odaq assambleıasynyń múshelerine uıymnyń kún tártibindegi mańyzdy máseleler týraly ustanymdardy talqylaý men kelisýde geosaıası toptar mańyzdy ról atqarady. Qazirgi ýaqytta 9 el, atap aıtqanda: Qazaqstan, Armenııa, Reseı Federasııasy, Tájikstan, Túrikmenstan, О́zbekstan «Eýrazııa» toby múshesi bolyp otyr.