Elimizde eýro valıýtaǵa degen qyzyǵýshylyq bir jyl ishinde bir jarym ese artty. Ranking.kz keltirgen derekke súıensek, jyl basynan beri onyń valıýta aıyrbastaý pýnktterindegi taza satylymy 250 mlrd teńgege jýyqtady.
Bir jyl ishinde eýronyń teńgege shaqqandaǵy baǵamy 5 paıyzdaı qymbattaǵan bolatyn. Eýroaımaqtyń negizgi valıýtasy Qazaqstandaǵy aıyrbastaý pýnktterinde eń kóp satylǵan valıýtalardyń arasynda dollardan keıingi orynda tur. Qańtar-tamyz aılarynda el azamattary barlyǵy 247,4 mlrd teńgege eýro satyp alǵan.
Eýronyń taza satylymynyń ósim qarqyny elimizdiń barlyq óńirlerinde ósti. Almatyda 121,1 mlrd teńgege satylyp, byltyrǵymen salystyrǵanda 47 paıyzǵa joǵarylasa, Nur-Sultanda 33,6 mlrd teńgege satylyp, ósim 15 paıyzdan asty. Satylym kólemi boıynsha úshinshi oryn alǵan Qaraǵandyda 16,3 mlrd teńgege jetti.
9 aı ishinde eýronyń satylý kólemi tamyz aıynda ǵana eń tómengi kórsetkishke quldyrady – 25,1 mlrd teńge. Tamyzda onyń teńgege shaqqandaǵy baǵamy shilde jáne qyrkúıek aılarymen salystyrǵanda joǵary bolǵanyn da aıta keteıik.
Qazir valıýta aıyrbastaý pýnktterinde 1 eýro – 437,37 teńgeden satylyp jatyr.