Halyqqa degen qanatty qamqorlyq

Shyny kerek, týǵan Qazaq­stanymyz, táýelsiz memle­ke­timiz jyl ótken saıyn áleý­mettik-ekonomıkalyq jaǵy­nan irgesi bekip, keregesi ke­ńe­ıip, álemdik qaýymdastyq aldynda bedelin arttyryp keledi. Bizdiń dáýletimizdiń osyndaı belesti bıikke kóterilýiniń zańdy negizi bar. Olaı deıtinimiz, elimizde ómir súrýge qajettiń bári de jasalǵan. Máselen, Joldaýda aıtylǵan shaǵyn bızneske degen janashyrlyqty men osyǵan qosar edim. Elbasy Nursultan Nazarbaev naryq­tyq qatynastarǵa alǵash kóshken kezeńnen kásip­kerlerge jaǵdaı jasaý­dy qolǵa aldy. Munyń ońdy baǵyt bolǵanyn osy kúni baıqap otyrmyz. Osy sha­ǵyn jáne orta bıznes arqyly eńselerin kótergen memle­ket­ter­diń kóp ekenin de bilemiz. Al memlekettiń ál-aýqaty artsa, óner men mádenıettiń de shyraıy kire beretini beseneden belgili. Sondyqtan Tuńǵysh Prezıdenttiń isin búgingi Memleket basshysy Qasym-Jomart Kemeluly jalǵastyryp, taǵy da ekonomıkany kóterýge baǵyt usta­ǵa­ny kóńilimizge jylylyq uıalatty.

Qysqasy, bıylǵy Jol­daý­dyń joldary halyqqa degen qanatty qamqorlyqtyń kópti­gimen erekshe este qa­la­­dy. Bir ǵana mysal kel­tireıin, Joldaýda: «Úkimet Ulttyq bankpen bir­le­se otyryp, zeınetaqy júıe­si­niń tıimdiligin arttyrý jumystaryn júrgizýi tıis. Qazirgi ýaqytta qyzmet etip jatqan adam zeı­net­aqy qoryn tek zeınetke shyq­qan­nan keıin qoldana alady. Alaıda olardyń bul qarajatty ol kezge deıin qol­danǵysy keletini túsi­nik­ti. Úkimetke osy jyl­dyń sońyna deıin qyzmet etip jatqan azamattardyń zeınetaqy qorlarynyń bir bóligin maqsatty paıdalaný, máselen, baspana satyp alý, bilim alý máselesin qarastyrýdy tapsyramyn», dep málimdedi Prezıdent Qasym-Jomart Toqaev.

Bul búgingi tańda eńbek etip jatqan barsha jurt úshin qýanyshty habar ekeni aıdan anyq.

Raqymjan TURYSBEK,

fılologııa ǵylymdarynyń doktory, professor