Semeı qalasy ákimdigi janyndaǵy aqparattyq ortalyq óz qyzmetin bastady. Ortalyq «bir tereze» qaǵıdaty boıynsha halyqqa qyzmet kórsetetin bolady. Saltanatty ashylý rásimine ákimdik qyzmetkerler, qoǵamdyq uıymdardyń ókilderi jáne BAQ ókilderi qatysty.
Jaqynda ǵana oblys ákimi Danıal Ahmetov halyqqa elektrondyq qyzmet kórsetý deńgeıin qatań synǵa alǵan bolatyn, - dedi qala ákimi Ermak Sálimov, búgin oblys ákiminiń tapsyrmasyn oryndaı otyryp, biz front-keńseni iske qosamyz. Biz úshin bul jańa joba, sondyqtan bastapqy kezeńde de belgili bir qıyndyqtar bolady dep oılamaımyz. Biz halyqtyń túıtkil máselesin sheshýde tıimdi jumys jasaı alatynymyzǵa senimdimiz.
Aqparattyq ortalyqtyń jumysy halyqqa qyzmet kórsetý ortalyqtary qaǵıdaty boıynsha, ıaǵnı «bir tereze» qaǵıdaty boıynsha qurylatyn bolady. Munda azamattarǵa qala ákimi apparaty, sondaı-aq ákimdiktiń derbes salalyq bólimderi kórsetetin memlekettik qyzmetterdiń barlyq tizbesi kórsetiletin bolady. Sonymen qatar árbir azamat ákimdiktiń salalyq bólimderiniń mamandaryna ózderin tolǵandyrǵan suraqtaryn qoıyp, problemalyq máseleler boıynsha keńes ala alady. Sondaı-aq munda azamattar jazbasha aryzdarǵa, ótinishter men shaǵymdarǵa jaýap ala alady. Jumys kúnderi front-keńse tańǵy saǵat 9.00-den keshki 18.30-ǵa deıin isteıtin bolady.