Almatynyń aımaqtaǵy róli kúsheıedi

Ortalyq jumysy shamamen bir jyldan keıin bastalýǵa tıis. Bul Kavkaz, Ortalyq Azııa jáne Mońǵolııa aımaǵynda toǵyz múshe memleketke áleýetti damytý bo­ıynsha qyzmet kórsetedi. Son­daı-aq fıskaldyq saıasat, orta­lyq bank operasııalary, qar­jy sektoryn qadaǵalaý jáne mak­ro­ekonomıkalyq statıstıka qam­tylady dep kútilýde.

«Ornalasatyn jerdi tańdaý barysynda kóptegen salalardy, sonyń ishinde qarjylyq qol­daý­dy, reısterdiń toǵysý múmkind­igi men keń ákimshilik jáne lo­gıs­tıkalyq baǵyttardy qamtı­tyn máseleler men usynys­tardy na­zar­ǵa aldyq. Biz Grýzııa, Qazaq­stan jáne О́zbekstan bılikterine or­talyq ashýǵa usynys jasaǵany úshin alǵys aıtamyz», dedi K.Grasso.

RTAK Halyqaralyq valıýta qorynyń qyzmetin aımaqta josparlaý, úılestirý jáne iske asyrýmen aınalysady. Ol HVQ-nyń basqa da ortalyqtarynyń tájirıbesine súıenedi.

Jýyrda Ulttyq bank tóraǵasy Erbolat Dosaev jumys saparymen Vashıngtonǵa baryp, HVQ-nyń jańa basqarýshy dırektory Krıstalına Georgıevamen kez­desken bolatyn. Kezdesýde Almatyda jańa aımaqtyq teh­nı­kalyq kómek ortalyǵyn ashý týraly kelisimderdi iske asy­­rý­dyń tetikteri jáne maman­­dar­men qamtamasyz etý máse­lesi tal­qy­landy. Aldyn ala qol jet­ken keli­sim­der boıynsha Almaty­daǵy orta­lyqta qazaqstandyq mamandar da shtattyq júıede jumys isteıdi.

Ekonomıst Oljas Tóleýov RTAK-tyń ashylýy Ulttyq bank úshin ǵana emes, memlekettiń eko­nomıkalyq jáne qarjylyq saıasaty úshin de jaǵymdy jańalyq ekenin aıtady. Sebebi Ulttyq bank pen Úkimettiń ekonomıkalyq blogy monetarly jáne fıskaldy saıasat boıynsha halyqaralyq saraptamanyń kómegine júginýge múmkindik alady.

«Bul elimizde ınvestısııa­lyq ahýaldy jaqsartatyn qosym­sha faktor bolady. Sondaı-aq Almaty­­nyń bıznes ortalyq retin­degi aımaqtaǵy rólin kúsheıtedi» dedi O.Tóleýov.

О́zbekstan Prezıdenti Shavkat Mırzııoevtiń júrgizgen reformalary men barynsha ashyq bolýǵa umtylýyna qarap birqatar sarapshylar jańadan ashylatyn nemese burynnan bar halyqaralyq qaýymdastyqtardyń ókildikteri, halyq­aralyq ınstıtýttar men kom­panııalar kósh basyn О́zbek­stanǵa qarap túzeıdi degen pikir bil­­dirgen edi. Alaıda HVQ tań­daýy sa­rap­shylardyń boljamyna táýel­di emes ekeni baıqaldy. Endi sarap­shylar HVQ-ǵa múshe memleketter men agenttikter Almatyda ja­ńadan ashylǵan ortalyqqa qol­daý kórsetedi dep úmittenip otyr.

ALMATY