Syrtqy ister mınıstrliginde «Syrtqy saıası zertteýler ınstıtýty» AQ Dırektorlar keńesiniń birinshi otyrysy ótti. Otyrysty ashqan Mınıstr Muhtar Tileýberdi Dırektorlar keńesiniń múshelerin saılanýymen quttyqtap, otyrysqa qatysýshylardy Syrtqy saıası zertteýler ınstıtýtynyń maqsattary jáne mindetterimen tanystyryp, jemisti jumys tiledi. Bul týraly SIM baspasóz qyzmeti habarlady.
Dırektorlar keńesin Prezıdenttiń keńesshisi Máýlen Áshimbaev basqardy. Instıtýttyń negizgi mindeti Qazaqstan Respýblıkasy syrtqy saıasatynyń basym baǵyttaryn iske asyrý boıynsha praktıkalyq usynymdar ázirleý, álemdik saıasat pen ekonomıkada, ulttyq jáne halyqaralyq qaýipsizdik salasynda ózekti trendterdi anyqtaý bolyp tabylady.