Senbi, 18 mamyr 2013 0:50
2012 jylǵy 24 jeltoqsan Almaty qalasy
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Banktiń, saqtandyrý (qaıta saqtandyrý) uıymynyń jáne jınaqtaýshy zeınetaqy qorynyń ýaqytsha ákimshiligin (ýaqytsha basqarýshysyn) taǵaıyndaý jáne qyzmetiniń erejesin bekitý týraly» 2006 jylǵy 9 qańtardaǵy № 6 qaýlysyna ózgerister men tolyqtyrý engizý týraly
Senbi, 18 mamyr 2013 0:50
2012 jylǵy 24 jeltoqsan Almaty qalasy
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Banktiń, saqtandyrý (qaıta saqtandyrý) uıymynyń jáne jınaqtaýshy zeınetaqy qorynyń ýaqytsha ákimshiligin (ýaqytsha basqarýshysyn) taǵaıyndaý jáne qyzmetiniń erejesin bekitý týraly» 2006 jylǵy 9 qańtardaǵy № 6 qaýlysyna ózgerister men tolyqtyrý engizý týraly
Qazaqstan Respýblıkasynyń normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Banktiń, saqtandyrý (qaıta saqtandyrý) uıymynyń jáne jınaqtaýshy zeınetaqy qorynyń ýaqytsha ákimshiligin (ýaqytsha basqarýshysyn) taǵaıyndaý jáne qyzmetiniń erejesin bekitý týraly» 2006 jylǵy 9 qańtardaǵy № 6 qaýlysyna (Normatıvtik quqyqtyq aktilerdi memlekettik tirkeý tiziliminde № 4070 tirkelgen) mynadaı ózgerister men tolyqtyrý engizilsin:
kórsetilgen qaýlymen bekitilgen Banktiń, saqtandyrý (qaıta saqtandyrý) uıymynyń jáne jınaqtaýshy zeınetaqy qorynyń ýaqytsha ákimshiligin (ýaqytsha basqarýshysyn) taǵaıyndaý jáne qyzmetiniń erejesinde:
8, 9, 10 jáne 11-tarmaqtar mynadaı redaksııada jazylsyn:
«8. Ýaqytsha ákimshilik ýákiletti organ ony taǵaıyndaǵan kúni óz mindetterin oryndaýǵa kirisedi. Qarjy naryǵyn jáne qarjy uıymdaryn retteý, baqylaý men qadaǵalaý jónindegi ýákiletti organnyń uıymdy lısenzııasynan aıyrý jáne ýaqytsha ákimshilikti taǵaıyndaý týraly sheshimderiniń kóshirmelerin ýaqytsha ákimshilik uıymnyń basshylyǵyna qol qoıdyryp tapsyrady.
Sheshimderdi qol qoıdyryp tapsyrý múmkin bolmaǵan jaǵdaıda ýaqytsha ákimshilik bul týraly akti jasaıdy jáne ýákiletti organdy habardar etedi.
Ýaqytsha ákimshilik basshysy ýaqytsha ákimshiliktiń jumysyna basshylyq jasaıdy jáne úılestiredi, múliktiń saqtalýyn qamtamasyz etý jáne qarjy uıymyn basqarý ókilettikterin júzege asyrady, ýaqytsha ákimshilik músheleriniń arasynda mindetterdi bóledi.
Mindetterdi bólýdi ýaqytsha ákimshilik basshysy ýaqytsha ákimshilik taǵaıyndalǵan kúnnen bastap bes jumys kúni ishinde ýaqytsha ákimshilik músheleriniń arasynda mindetterdi bólý týraly buıryq shyǵarý jáne olardyń ókilettikterin bekitý arqyly júzege asyrady.
9. Ýaqytsha ákimshilik uıym basshysyna ýákiletti organnyń ýaqytsha ákimshilikti taǵaıyndaý týraly sheshimin tapsyrǵan kúni mynadaı is-áreketterdi oryndaıdy:
1) uıym basshysynan ózine barlyq mórlerdi, mórtabandardy, klıshe men plombırlerdi, uıymdy tirkeýge baılanysty qujattardy, uıymǵa berilgen lısenzııalardyń túpnusqalaryn, fırmalyq blankilerdi, aqparatty elektrondyq tasymaldaǵyshtardy, baǵdarlamalyq qamtamasyz etýdi, uıym menshik ıesi bolyp tabylatyn qujattamalyq nysanda shyǵarylǵan basqa zańdy tulǵalardyń baǵaly qaǵazdaryn dereý tapsyrýyn talap etedi jáne olardy qabyldaý-tapsyrý aktisi boıynsha qabyldaıdy;
2) Bankter týraly zańnyń 48-1-baby 1-tarmaǵynyń 3) tarmaqshasynda, Saqtandyrý týraly zańnyń 69-baby 2-tarmaǵynyń 6) tarmaqshasynda, Zeınetaqymen qamsyzdandyrý týraly zańnyń 45-2-baby 4-tarmaǵynyń 6) tarmaqshasynda kózdelgen is-sharalardy júzege asyrady;
3) uıymnyń, onyń fılıaldary men ókildikteriniń kassasyndaǵy barlyq aqshalaı jáne ózge de qundylyqtaryn teksere otyryp, kassaǵa tekserý (revızııa) júrgizedi, qolma-qol aqshany odan keıin banktiń korrespondenttik shottaryna, Qazaqstan Respýblıkasynyń Ulttyq Bankinde jáne tıisinshe bankterde ashylǵan saqtandyrý (qaıta saqtandyrý) uıymy men jınaqtaýshy zeınetaqy qorynyń aǵymdaǵy shottaryna aýdarý úshin onyń ınkassasııasyn uıymdastyrady;
4) uıymnyń atynan buryn berilgen senimhattardyń kúshin joıady;
5) qarjy naryǵyn jáne qarjy uıymdaryn retteý, baqylaý men qadaǵalaý jónindegi ýákiletti organnyń uıymdy lısenzııasynan aıyrý týraly sheshiminiń kóshirmesin jáne ýákiletti organnyń ýaqytsha ákimshilikti taǵaıyndaý týraly sheshiminiń kóshirmesin uıymnyń klıentteri tanysý úshin qol jetimdi orynda ornalastyrady;
6) ýaqytsha ákimshilikti taǵaıyndaý kúnine qolda bar elektrondyq túrdegi býhgalterlik aqparatty (bankter úshin – balanstyq jáne balanstan tys shottardaǵy qaldyq týraly esep (700-N nysany), saqtandyrý (qaıta saqtandyrý) uıymdary jáne jınaqtaýshy zeınetaqy qorlary úshin – bas býhgalterlik kitap) eseptik avtomattandyrylǵan júıeniń derekterin bólek elektrondyq tasymaldaǵyshqa kóshire otyryp (rezervtik kóshirmeler) basyp shyǵarady. Mundaı aqparat elektrondyq túrde bolmaǵan kezde qaǵaz tasymaldaǵyshtaǵy kórsetilgen kúnge aqparat negizge alynady.
10. Ýaqytsha ákimshilik mynadaı is-áreketterdi oryndaıdy:
1) uıymnyń aktıvterin, mindettemelerin (balanstyq jáne balanstan tys), qujattaryn túgendeýdi júrgizedi, qabyldaý-tapsyrý aktisi boıynsha uıymnyń múlkin jáne qujattaryn qabyldaıdy, olardyń saqtalýyn qamtamasyz etedi;
2) uıymdy basqarý jónindegi fýnksııalardy júzege asyrady jáne uıymnyń barlyq qujattaryna qol qoıady;
3) uıymnyń atynan sottarǵa talap-aryzdar, onyń ishinde eger uıym organdary músheleriniń, bas býhgalteriniń is-áreketimen (áreketsizdigimen) uıymǵa shyǵyn keltirilgen bolsa, olardy jaýapkershilikke tartý týraly talap-aryzdar beredi;
4) Qazaqstan Respýblıkasynyń búkil aýmaǵynda taralatyn eki merzimdi baspa basylymynda qazaq tilinde jáne orys tilinde habarlandyrý jarııalaý jolymen qarjy naryǵyn jáne qarjy uıymdaryn retteý, baqylaý men qadaǵalaý jónindegi ýákiletti organnyń lısenzııadan aıyrý týraly sheshimin jáne ýákiletti organnyń ýaqytsha ákimshilikti taǵaıyndaý týraly sheshiminiń kóshirmesin uıym aksıonerlerine, kredıtorlaryna jáne debıtorlaryna jetkizedi;
5) taǵaıyndalǵan kúninen bastap úsh jumys kúni ishinde uıym shottarynyń bar ekendigin anyqtaıdy jáne korrespondenttik, aǵymdaǵy shottardyń (onyń ishinde sheteldik bankterdegi) jáne jınaqtaýshy zeınetaqy qorynyń kastodıan-bankindegi shottardyń qaldyqtaryn salystyryp tekseredi. Uıymnyń býhgalterlik esebiniń derekteri boıynsha shottardyń qaldyqtaryn kórsetilgen shottar ashylǵan bankterdiń derekterimen salystyryp tekseredi jáne salystyryp tekserý qorytyndylary boıynsha tıisti akti jasaıdy;
6) tolyq materıaldyq jaýapkershilik atqaratyn adamdar, onyń ishinde býhgalterlik esepti júrgizýdiń avtomattandyrylǵan aqparat júıesine jáne uıymnyń qarjylyq jáne ózge de eseptiligin jasaýǵa qoly jetimdi adamdar tobyn aıqyndaıdy;
7) ýaqytsha ákimshilikten taratý komıssııasyna uıymnyń múlkin, qujattaryn jáne is qaǵazdaryn qabyldaý-tapsyrý aıaqtalǵannan keıin ýaqytsha ákimshiliktiń oryndaǵan jumysy týraly esebin ýákiletti organǵa bekitý úshin usynady;
8) ýaqytsha ákimshiliktiń qyzmeti kezeńinde qyzmetkerlermen eńbek qatynastaryn jalǵastyrý qajettiligi bolmaǵan jaǵdaıda olarmen Qazaqstan Respýblıkasynyń eńbek zańnamasyna sáıkes eńbek sharttaryn buzady;
9) taǵaıyndalǵan kúninen bastap úsh jumys kúni ishinde múlikti jáne onymen jasalatyn mámilelerdi tirkeýdi júzege asyratyn organdarǵa, sondaı-aq «Baǵaly qaǵazdardyń ortalyq depozıtarııi», «Baǵaly qaǵazdardyń biryńǵaı tirkeýshisi», «Qazaqstan qor bırjasy» aksıonerlik qoǵamdaryna uıymnyń lısenzııasynan aıyrylǵany jáne ýaqytsha ákimshiliktiń taǵaıyndalǵany týraly habarlaıdy jáne uıymnyń múlkin ıeliginen shyǵarý jónindegi ýaqytsha ákimshilik jasamaıtyn mámilelerdi tirkeýge, sondaı-aq uıym kepil ustaýshysy bolyp tabylatyn múlikten aýyrtpalyqty alýǵa tyıym salýdy belgileıdi;
10) uıymnyń aktıvterin anyqtaıdy;
11) óziniń fýnksııalary men mindetterin oryndaýdy qamtamasyz etý úshin aqysy tólenetin qyzmet kórsetý sharttary boıynsha adamdardy tartady;
12) Qazaqstan Respýblıkasynyń azamattyq zańnamasyna sáıkes aqysy tólenetin qyzmet kórsetý sharttaryn ózgertedi jáne buzady.
11. Ýaqytsha ákimshilik óz qyzmeti kezeńinde Erejeniń 7-tarmaǵynyń 1) tarmaqshasynda kózdelgen jaǵdaılardy qospaǵanda, shyǵys operasııalaryn júzege asyrmaıdy.
Ýaqytsha ákimshilik shyǵystardy ýaqytsha ákimshilik basshysy bekitken shyǵystar smetasyna sáıkes júzege asyrady. Shyǵystar smetasy aı saıynǵy josparlanatyn shyǵyndarǵa qaraı jasalady jáne ýaqytsha ákimshilik taǵaıyndalǵan kúnnen bastap jeti kúntizbelik kúnnen keshiktirmeı túsindirme jazbasymen ýákiletti organǵa usynylady.
Ýákiletti organ ýaqytsha ákimshiliktiń qyzmetine, onyń ishinde ýaqytsha ákimshiliktiń shyǵystar smetasynda kózdelgen aqshanyń paıdalanylýyna baqylaý jasaıdy.
Shyǵyndardyń bir baby boıynsha basqa bap boıynsha únemdeý esebinen artyq shyǵysty júzege asyrýǵa jol berilmeıdi.»;
mynadaı mazmundaǵy 25-1-tarmaqpen tolyqtyrylsyn:
«25-1. Ýaqytsha ákimshilik shyǵystardy barynsha azaıtý maqsatynda uıymnyń múlkin jalǵa beredi.
Múlikti jalǵa bergennen alynǵan aqsha uıymnyń bank shotyna jiberiledi.
Ýaqytsha ákimshiliktiń jaldaý shartyn jasaýy ýaqytsha ákimshiliktiń birinshi talaby boıynsha múlikti bosatýǵa (qaıtarýǵa) jáne jaldanǵan múlikti qosalqy jalǵa (qosalqy jaldaýǵa) berýge bolmaıtyndyǵy jónindegi shekteýlerdi qabyldaýǵa jalǵa alýshynyń kelisimi bolǵan kezde júzege asyrylady.
Jaldaýshyny ýaqytsha ákimshilik tender ótkizý jolymen tańdaıdy, onyń nátıjeleri boıynsha Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2006 jylǵy 25 aqpandaǵy № 40 qaýlysymen (Normatıvtik quqyqtyq aktilerdi memlekettik tirkeý tiziliminde № 4181 tirkelgen) bekitilgen Qazaqstan Respýblıkasynda bankterdi májbúrlep taratý erejesi 84-2, 84-3, 84-4,84-5 jáne 84-6-tarmaqtarynyń talaptaryna sáıkes shart jasalady.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy G. Marchenko.
Qaýly Qazaqstan Respýblıkasynyń Ádilet mınıstrliginde 2013 jylǵy 4 aqpanda Normatıvtik quqyqtyq kelisimderdi memlekettik tirkeýdiń tizilimine №8316 bolyp engizildi.