Senbi, 18 mamyr 2013 0:51
2012 jylǵy 24 jeltoqsan Almaty qalasy
Beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalaryn bekitý týraly
«Mıkroqarjy uıymdary týraly» 2012 jylǵy 26 qarashadaǵy Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne mıkrokredıttik uıymdarǵa 2016 jylǵy 1 qańtarǵa deıin qoldanylady.
Senbi, 18 mamyr 2013 0:51
2012 jylǵy 24 jeltoqsan Almaty qalasy
Beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalaryn bekitý týraly
«Mıkroqarjy uıymdary týraly» 2012 jylǵy 26 qarashadaǵy Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne mıkrokredıttik uıymdarǵa 2016 jylǵy 1 qańtarǵa deıin qoldanylady.
Ulttyq Bank Tóraǵasy G.MARChENKO.
Qazaqstan Respýblıkasynyń Ulttyq Banki Basqarmasynyń 2012 jylǵy 24 jeltoqsandaǵy № 378 qaýlysymen bekitilgen
Beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalary
Osy beriletin mıkrokredıtter boıynsha syıaqynyń jyldyq tıimdi mólsherlemesin esepteý qaǵıdalary (budan ári – Qaǵıdalar) «Mıkroqarjy uıymdary týraly» 2012 jylǵy 26 qarashadaǵy Qazaqstan Respýblıkasynyń Zańyna (budan ári – Zań) sáıkes ázirlendi jáne mıkroqarjy jáne mıkrokredıttik uıymdardyń (budan ári – mıkroqarjy uıymdary) beriletin mıkrokredıtter boıynsha syıaqynyń jyldyq tıimdi mólsherlemesin esepteý tártibin belgileıdi.
1. Jalpy erejeler
1. Qaǵıdalardyń maqsattary úshin mynadaı uǵym paıdalanylady:
syıaqynyń jyldyq tıimdi mólsherlemesi – mıkrokredıt boıynsha dáıekti, jyldyq, tıimdi, salystyrmaly túrde esepteletin, Qaǵıdalarǵa sáıkes eseptep shyǵarylatyn syıaqy mólsherlemesi.
2. Mıkroqarjy uıymdary mıkrokredıt berý týraly shartta syıaqynyń jyldyq tıimdi mólsherlemesin kórsetedi.
Mıkrokredıt berý týraly shartta syıaqynyń jyldyq tıimdi mólsherlemesi kompıýterlik tehnıka qondyrǵysynyń kómegimen bir qosymshada sıfrmen jáne jazýmen kórsetile otyryp, sondaı-aq syıaqynyń basqa mólsherlemelerimen qaripteri birdeı kólemdegi jáne resimdeý stılindegi (kýrsıv, qaraıtylǵan, túspen boıap kórsetý, mólsheri) nysanda basyp kórsetiledi.
3. Syıaqynyń jyldyq tıimdi mólsherlemesiniń esebi:
1) mıkrokredıt berý týraly shart jasalǵan kúnge;
2) qaryz alýshynyń aýyzsha nemese jazbasha talaby boıynsha;
3) mıkrokredıt berý týraly shartqa ózgerister men tolyqtyrýlar engizilgen jaǵdaıda qaryz alýshynyń aqshalaı mindettemeleri somasynyń (mólsheriniń) jáne (nemese) ony tóleý merziminiń ózgerýine ákep soǵatyn, shartqa qosymsha kelisim jasaý jolymen júrgiziledi.
4. Mıkrokredıt berý týraly shart talaptary qaryz alýshynyń aqshalaı mindettemeleri somasynyń (mólsheriniń) jáne (nemese) ony tóleý merziminiń ózgerýine ákep soǵatyndaı ózgergen kezde syıaqynyń jyldyq tıimdi mólsherlemesiniń naqtylanǵan máni mıkrokredıt berý týraly shart qoldanyla bastaǵan merzimnen bastap qaryz alýshy mıkrokredıt boıynsha tólegen tólemderdi eseptemegende, talaptardy ózgertý bastalǵan kúngi mıkrokredıtti óteýdiń qalǵan merzimine qaraı esepteledi.
Mıkrokredıt berý týraly shart talaptarynyń ózgerýine baılanysty tólenýi tıis komıssııalar bolǵan kezde bul komıssııalar syıaqynyń jyldyq tıimdi mólsherlemesiniń esebine kiredi.
2. Syıaqynyń jyldyq tıimdi mólsherlemesin esepteý
5. Beriletin mıkrokredıtter boıynsha syıaqynyń jyldyq tıimdi mólsherlemesi mynadaı formýla boıynsha esepteledi:
(SJS + TJS)/(BQ/M)
CJTM = ——————————- x 12 x 100,
M
mundaǵy:
SJTM – mıkrokredıt boıynsha syıaqynyń jyldyq tıimdi mólsherlemesi;
SJS – mıkrokredıtti paıdalanýdyń búkil merzimindegi syıaqynyń jalpy somasy;
TJS – mıkroqarjy uıymynyń mıkrokredıtti paıdalanýdyń búkil merziminde mıkrokredıttiń berilgeni, qyzmet kórsetilgeni jáne ótelgeni (qaıtarylǵany) úshin komıssııalary men ózge tólemderiniń jalpy somasy;
BQ – mıkrokredıtti paıdalanýdyń búkil merziminde mıkrokredıt boıynsha bereshektiń aı saıynǵy qaldyqtarynyń jalpy somasy;
M – mıkrokredıtti óteýdiń aımen kórsetilgen merzimi.
6. Eger syıaqynyń jyldyq tıimdi mólsherlemesin esepteý kezinde alynǵan sannyń máni bir ondyq belgiden kóp bolsa, ol bylaısha ondyq bólshekke deıin dóńgelektenýi tıis:
1) eger júzdik bólshek 5-ten kóp nemese teń bolsa, ondyq bólshek 1-ge ulǵaıtylady, odan keıingi barlyq belgiler alyp tastalady;
2) eger júzdik bólshek 5-ten az bolsa, ondyq bólshek ózgerissiz qalady, odan keıingi barlyq belgiler alyp tastalady.
7. Mıkrokredıt boıynsha syıaqynyń jyldyq tıimdi mólsherlemesin esepteý kezinde mynalar esepke alynady:
1) mıkrokredıtti óteýdiń búkil merziminde mıkrokredıt boıynsha syıaqy;
2) komıssııalar jáne ózge tólemder – qaryz alýshynyń mólsherleri men tóleý merzimderi mıkrokredıt berý týraly shart jasaý sátinde belgili bolǵan, mıkrokredıtti alýmen, paıdalanýmen jáne óteýmen (qaıtarýmen) baılanysty, mıkroqarjy uıymyna mıkrokredıt berý týraly shartqa sáıkes tólenýi tıis shyǵystary, sondaı-aq:
eger saqtandyrý sharty boıynsha saqtandyrý oqıǵasy bastalǵan jaǵdaıda mıkroqarjy uıymy paıda alýshy bolsa, qaryz alýshynyń saqtandyrý uıymynyń paıdasyna tólemderi;
eger kepildi baǵalaý qajettigi mıkrokredıtti berý qaǵıdalarynda kózdelse, qaryz alýshynyń kepildikti (kepilgerlikti) alǵany úshin kepil berýshige (kepilgerge), kepilge beriletin múlikti baǵalaǵany úshin baǵalaýshyǵa tólegen tólemderi;
mıkrokredıtti alý jáne qyzmet kórsetý jónindegi qyzmetterdi kórsetýshi basqa uıymdarǵa (deldaldarǵa) tólemder.
8. Syıaqynyń jyldyq tıimdi mólsherlemesin esepteý kezinde mynalar eseptelmeıdi:
1) turaqsyzdyq (aıyppul, ósimpul), onyń ishinde qaryz alýshynyń mıkrokredıt berý týraly shart talaptaryn saqtamaǵany úshin;
2) mıkrokredıt berý týraly shartta kózdelgen mıkrokredıtke qyzmet kórsetý jónindegi, kólemi jáne (nemese) tóleý merzimderi shart jasalǵan kúni belgisiz bolǵan jáne qaryz alýshynyń sheshimine jáne (nemese) ony júrgizý nusqasyna (mıkrokredıtti merzimimen buryn tolyq nemese ishinara óteý) baılanysty tólemder.
9. Mıkrokredıt berý týraly shartqa ózgerister men tolyqtyrýlar, onyń ishinde qaryz alýshynyń ótinishi boıynsha engizilgen jaǵdaıda, Qaǵıdalar qoldanysqa engizilgenge deıin qaryz alýshymen jasalǵan mıkrokredıt berý týraly qoldanystaǵy jáne syıaqynyń jyldyq tıimdi mólsherlemesiniń máni kórsetilmegen shart boıynsha syıaqynyń jyldyq tıimdi mólsherlemesiniń máni mıkrokredıt berý týraly shartqa qosymsha kelisimde Qaǵıdalardyń 4-tarmaǵynda kózdelgen jaǵdaılarda, mıkrokredıt berý týraly shart talaptary ózgertile bastaǵan kúnge, qalǵan jaǵdaılarda – mıkrokredıt berý týraly shart jasalǵan kúnge kórsetiledi.
10. Qaryz alýshynyń mıkroqarjy uıymyna tólegen tólemderi jáne mıkroqarjy uıymynyń qaryz alýshyǵa tólemderi cyıaqynyń jyldyq tıimdi mólsherlemesin esepteý maqsatynda olar naqty tólengen kúnge, bolashaqtaǵylary – tólemder grafıgi boıynsha esepke alynady.
Qaýly Qazaqstan Respýblıkasynyń Ádilet mınıstrliginde 2013 jylǵy 28 qantarda Normatıvtik quqyqtyq kelisimderdi memlekettik tirkeýdiń tizilimine №8307 bolyp engizildi.