Elbasy Nursultan Nazarbaevtyń tapsyrmasymen qolǵa alynǵan Kýrchatovtaǵy Ulttyq Iаdrolyq Ortalyq qazirgi kezde halyqaralyq arenada joǵary dárejege jetip otyr. Qazaqstan álem qaýipsizdigi aldynda taǵy bir tyń qadamǵa baryp, bolashaqta ıadrolyq qaldyqtardyń paıdalanylmaýynyń jáne ıadrolyq terrorızmdi boldyrmaýdyń saqtyq sharalaryn da jasady.
Aıta ketý kerek, bul Elbasy Nursultan Nazarbaevtyń Jer planetasyndaǵy beıbit ómirdi nyǵaıtý baǵytyndaǵy óte mańyzdy ári tyń qadamy bolyp tabylady. Keńester Odaǵy taraýyna tórt aı qalǵan tusta Qazaqstan Prezıdenti Nursultan Ábishuly polıgonnan zardap shekken halyqtyń taýqymetin toqtatý úshin, álemdegi qaýipsizdikti saqtaý maqsatynda óz Jarlyǵymen synaq alańynyń jumysyn toqtatty.
Jaqynda osy Kýrchatovta AQSh-tyń Aıdaho (INL) jáne Ok-Rıdj (ORNL) Ulttyq zerthanalary mamandarynyń qatysýymen kezekti tehnıkalyq keńester berilgen kezdesý bolyp ótti. Maqsat - beıbit atomdy damytý. Tehnıkalyq keńeste «Baıkal-1» ZRK ınfraqurylymyndaǵy IVG.1M reaktorynyń sáýlelengen joǵary baıytylǵan ýran otynyn Reseı Federasııasyna qaıtarýǵa daıyndyq týraly másele de qarastyryldy. Sol sııaqty QR Ulttyq Iаdrolyq ortalyǵynda ázirlenip jatqan IGR reaktorynyń sáýlelengen otynyn suıyltý tehnologııasy da talqylandy. Atqarylyp jatqan jumystarǵa AQSh Ulttyq zerthanalarynyń mamandary joǵary baǵa berdi.
Kýrchatov qalasy
ShQO