Shveısarııa Prezıdenti Ýlı Maýrer Qazaqstanǵa josparlanǵan resmı saparmen keledi. Bul týraly Prezıdenttiń baspasóz hatshysy Berik Ýálı Facebook paraqshasynda jazdy.
«21-22 qarashada Memleket basshysy Qasym-Jomart Toqaevtyń shaqyrýymen Qazaqstan Respýblıkasyna Shveısarııa Konfederasııasynyń Prezıdenti – Qarjy mınıstri Ýlı Maýrer resmı saparmen keledi. Shveısarııalyq delegasııanyń quramynda bıznes ókilderi de bolady. 22 qarashada memleketter basshylary «Aqorda» rezıdensııasynda shaǵyn jáne keńeıtilgen quramda kelissózder ótkizedi dep josparlanǵan. Kelissózder barysynda saıası, saýda-ekonomıkalyq, ınvestısııalyq jáne gýmanıtarlyq salalar boıynsha ekijaqty yntymaqtastyqtyń ahýaly men perspektıvalary talqylanady», dep jazdy Berik Ýálı
Sapar aıasynda Ýlı Maýrer Qazaqstan Úkimetiniń basshylyǵymen kezdesedi jáne eki eldiń iskerlik toptarynyń qatysýymen ótetin «dóńgelek ústelde» sóz sóıleıdi dep josparlanǵan.