Búgin Májiliske Ońtústik Afrıka Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Kııtýmesı Mettıýs keldi.
Meımanmen Májilistiń Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman kezdesti.
«Qazaqstan Ońtústik Afrıkany Afrıka qurlyǵyndaǵy mańyzdy jáne basty seriktes retinde qarastyrady», dep málimdedi depýtat.
Sonymen birge, parlamentarıı Ońtústik Afrıkany 2019 jyldyń qazan aıynda BUU Qaýipsizdik Keńesine sátti tóraǵalyq etýimen quttyqtap, osy jyly Afrıka Odaǵy tóraǵalyǵynda sáttilik tiledi.
О́z kezeginde, dıplomat bizdiń elderimizdiń bılik ınstıtýttary jáne demokratııalyq jasymyz,damý joldarymyz birdeı ekendigin tilge tıek etti.
Taraptar atap ótkendeı, parlamenttik yntymaqtastyq sııaqty mańyzdy faktordy qoldana otyryp, qarqyndy saqtap, odan ári arttyrý qajet.