Memleket basshysy Qasym-Jomart Toqaev Birikken Arab Ámirlikteriniń memleket qaıratkeri sheıh Sultan ben Zaıd Ál Nahaıannyń dúnıeden ozǵany týraly sýyt habardy tereń kúızelispen qabyl alyp, onyń baýyry, Birikken Arab Ámirlikteriniń Prezıdenti Sheıh Halıfa ben Zaıd Ál Nahaıanǵa kóńil aıtý jedelhatyn joldady. Bul týraly Aqordanyń baspasóz qyzmeti habarlady.
Jedelhatta Sheıh Sultan óz ómirin Ámirlikterdiń, onyń halqynyń múddesin qorǵaýǵa jáne qyzmet etýge rııasyz arnaǵany baıandalǵan. Sonymen qatar Qazaqstan halqy sheıh Sultan Ál Nahaıandy parasatty azamat, joǵary bedeldi saıasatker, ekijaqty yntymaqtastyqty nyǵaıtýǵa orasan zor eńbek sińirgen tarıhı tulǵa retinde árdaıym jadynda saqtaıtyny aıtylǵan.
– Osyndaı syn saǵatta orny tolmas aýyr qaıǵy-qasiretterińizge ortaqtasyp, barsha Qazaqstan halqynyń atynan jáne jeke óz tarapymnan, Sizge jáne búkil Ámirlikter halqyna qaıǵyra kóńil aıtamyn, – delingen jedelhatta.