Zań mátinin memlekettik tilde daıyndaý mańyzdy

Is-sharanyń maqsaty – zań jobalaryn memlekettik tilde daıyndaýǵa qatysty máselelerdi talqylaý men olar boıynsha usynymdar ázirleý, zań jobalaryn memlekettik tilde daıyndaýda ǵylymı lıngvıstıkalyq saraptama júrgizýdiń máseleleri jóninde pikir almasý.

Dóńgelek ústel jumysyna Pre­zıdent Ákimshiliginiń, Parla­ment palatalary apparattarynyń, Úkimettiń, Ádilet mınıstrliginiń jáne ortalyq memlekettik organ­dardyń jaýapty tulǵalary men ókilderi, Parlament depýtattary, sonymen birge zań, fılologııa bilimi salasynyń tanymal ǵalymdary qatysty. Is-sharany Senat depýtaty, Áleýmettik-mádenı damý jáne ǵylym komıtetiniń tóraǵasy     Murat Baqtııaruly júrgizip otyrdy.

Ádilet mınıstri Marat Beketaev óziniń kirispe sózinde dóńge­lek ústeldiń zań jobalaryn mem­le­kettik tilde ázirleý máselesine qa­tysty aǵymdaǵy jyldyń 27 qyr­kúıegi kúni Parlament Sena­tynda ótkizilgen «Zań shyǵarý prosesin odan ári jetildirý» taqyrybyna arnalǵan parlamenttik tyńdaýlar usynymdaryn iske asyrýmen baılanystylyǵyn jáne bul ulttyq zańnamany jetildirýde naqty mindetke aınalýy qajettigin atap ótti. Mınıstr sonymen qatar bar­lyq memlekettik organdy osy dóń­gelek ústeldiń usynymdaryn iske asyrýǵa baılanysty is-shara­lardy ýaqtyly jáne sapaly ótkizýge shaqyrdy. Al is-shara aıasynda tal­qylanǵan taqyryp zań jobalaryn memlekettik tilde daıyndaýdy qamtamasyz etý sharalaryn oılastyrýǵa jáne nátıjege qol jetkizýge septigin tıgizetin bolady.

Dóńgelek ústelde sóz sóılegen Senat depýtaty Sársenbaı Eńse­genov, Májilis depýtattary Nur­lan Dýlatbekov, Asylbek Sma­ǵulov zań jobalaryn memle­kettik tilde daıyndaýdyń erekshelikteri­ne toqtaldy. Parlament Senaty Apparaty Redaksııalyq-baspa bólimi meńgerýshisiniń orynbasary, fılologııa ǵylymdary­nyń doktory, professor Erbol Ábdirásilov, Parlament Májilisi Apparatynyń Redaksııalaý jáne aýdarma bóliminiń meńgerýshisi Dáýitáli Omashuly, taǵy basqalar zań jobalaryn memlekettik tilde daıyndaýdyń uıymdastyrýshylyq, ǵylymı súıemeldeý, rásimdik erekshelikteri men normatıvtik retteý, ózge de mańyzdy máseleleri boıynsha sóz sóıledi.

Jaryssózde ulttyq zańnamanyń qazirgi kezdegi jaı-kúıiniń máse­leleri men zań jobalaryn mem­lekettik tilde daıyndaý boıynsha atqarylatyn ister talqylandy.

Dóńgelek ústeldiń qorytyn­dylary negizinde zań jobalaryn memlekettik tilde daıyn­daý boıynsha usynymdar qabyl­dandy. Usynymdar is-sharaǵa qatysý­shylardyń pikirlerimen tolyqty­rylyp pysyqtalǵannan keıin, ýákiletti memlekettik organdarǵa jiberiletinin aıta ketý kerek.