Elbasy Nursultan Nazarbaev Joǵarǵy sot Tóraǵasy Jaqyp Asanovty qabyldady. Bul týraly elbasy.kz habarlady.
Kezdesý barysynda sottar men jalpy sot júıesin reformalaý nátıjeleri talqylandy. Qazaqstannyń Tuńǵysh Prezıdenti zań ústemdigin qamtamasyz etý jáne halyqtyń sotqa degen senimin arttyrý boıynsha is-sharalardy júzege asyrýdyń mańyzdylyǵyn atap ótti.
- Jasalyp jatqan jumystyń baǵyty durys. Búgingi tańda sýdıalar aldynda kúrdeli mindetter tur. Halyq ádildik izdep, sotqa júginedi. Eń bastysy – sot ádildigin qamtamasyz etý. Barlyǵy zań aıasynda bolýy shart, - dedi Elbasy.