Maǵan taǵdyrbasty ulttyq basylymda 1978-1991 jyldary jumys isteý baqytyn buıyrtty. Ol kezde ózimiz Kembrıdjden kem kórmeıtin Lenıngrad ýnıversıtetiniń jýrfagyn endi bitirgenmin.
Aýdandyq, oblystyq qazaq jáne orys gazetterinde taǵylymdamadan ótkenmin. Talqylaý kezinde materıaldarymdy oqytýshymyz da, kýrstastarym da joǵary baǵalaǵan. Jastyqtyń da býy bar, ózimshe endi qaı gazette de istep ketemin ǵoı dep, ishteı kúmpıip júrgenmin.
Redaktor Sapar Baıjanov aǵamyz meni Lenıngrad mektebiniń túlegin baıqap kóreıik degen oımen qyzmetke aldy. Árıne, sekretarıatqa. Árıne, eń tómengi kishi tilshi qyzmetine. Biraq jýrnalıstik qyzmet júginiń aýyrlyǵyn da, jaýaptylyǵyn da, issapardyń ózine de muqııat daıyndyqpen shyǵý kerektigin de eń alǵash osy «SQ»-da júrip shyndap sezindim.
Egin oraǵynan jazǵan alǵashqy materıalymdy lezdemede redaktordyń ózi «qan-sólsiz» dep, ádeppen ǵana synap ótti. Ol men úshin umytylmas sabaq boldy... Endigi bir basshymyz Sherhan Murtaza jazyp kelgen maqalamdy unatyp, ózine tán ádetimen bitip turǵan betti buzǵyzyp, sol kúngi nómirge salǵyzdy. Bul gazette júrip osyndaı joldan óttim. Bertin kele eki bólimniń jumysyna jetekshilik ettim.
Áıtse de, gazetti oılaǵanda abzal aǵalarymnyń aıaly alaqany aldymen esime túsedi. Qaı-qaısysynyń da ónegesin kórdim, kómegin sezindim. Maqalanyń kólemi kótermeıtindikten attaryn ataı almaıtynyma ókinemin. Biraq olar udaıy júregimde, jadymda.
О́mir keıinnen qyzmetimdi basqa arnaǵa burdy. Biraq «Egemenniń» mektebinen keıin ol maǵan qıyn bola qoıǵan joq.
Ábdimútál ÁLIBEKOV,
jýrnalıst