Atyraý oblysynyń Tekserý komıssııasy Jylyoı aýdanynyń bilim berý salasynda aýdıt júrgizdi. Aýdandyq bilim berý bólimine qarasty 20 uıym tekserilip, 9 mlrd teńge qamtyldy. Aýdıt nátıjesinde jalpy somasy 228 mln.teńgeden astam buzýshylyq anyqtaldy, dep habarlady Atyraý oblysynyń О́ńirlik kommýnıkasııalar qyzmeti.
Qarjylyq buzýshylyqtardyń somasy 200 mln teńgeden astam. Osy sharalarǵa jaýapty Atyraý oblysynyń Tekserýkomıssııasynyń múshesi Asylan Qumarovtyń málimetinshe, aýdıtorlar 16 jalpy bilim beretin mektepke bólingen respýblıkalyq transfertterdiń maqsatsyz paıdalanylýyn anyqtaǵan, onyń somasy 23 mln 283 myń teńge. Sonyń ishinde, býhgalterlik esepke alýǵa jatatyn málimetterdi jasyrýdyń 9 faktisi bolǵan.
-Bir mekteptiń esepshisi jalaqyny negizsiz tóleı otyryp, 2017-2019 jyldary óziniń jeke esep-shotyna 23 mln teńge aýdarǵan. Taǵy bir mekteptiń esepshisi osyndaı jaǵdaıda osy jyldary 18 mln teńgeni jymqyrǵan. Atalmysh faktiler boıynsha jınalǵan materıaldar sheshim alý úshin quqyq qorǵaý organdaryna berildi, dedi Asylan Qumarov.
Budan basqa da qarjylyq buzýshylyq faktileri anyqtaldy. Máselen, issapar shyǵyndaryn artyq tóleý, tapsyrys berýshiniń jetkizýshini josyqsyz dep taný týraly sotqa ýaqytyly shaǵymdanbaýy, eseptelgen salyqty tóleýden jaltarý, oqý jabdyqtarynyń paıdalanylmaı turýy.
Atyraý oblysy boıynsha Tekserý komıssııasy óńirdiń bilim berý salasyna monıtorıng jasap, aýdıt júrgizýdi jalǵastyrýda. Basty mindet – bıýdjet qarajatynyń tıimdi paıdalanylýyn baqylaý.