Syrtqy ister mınıstrliginde Qazaqstan Respýblıkasynyń halyqaralyq uıymdarmen yntymaqtastyǵy jónindegi komıssııanyń 53-shi otyrysy ótti. Bul týraly SIM baspasóz qyzmeti habarlady.
Otyrys barysynda Qazaqstan Respýblıkasynyń halyqaralyq uıymdarǵa, ámbebap halyqaralyq sharttardyń atqarýshy organdaryna jáne basqa da halyqaralyq organdarǵa mindetti múshelik jáne erikti jarnalaryn tóleý josparlary qarastyrylyp, bekitildi.
Atap aıtqanda, elimizdiń halyqaralyq uıymdardaǵy músheliginiń tıimdiligi talqylandy, Eńbek jáne halyqty áleýmettik qorǵaý, Densaýlyq saqtaý mınıstrlikteriniń tıisti halyqaralyq qurylymdarmen ózara qarym-qatynastary týraly esepteri usynyldy.
Kún tártibiniń jeke tarmaǵy, klımatty qorǵaý taqyrybynyń ózektiligine baılanysty GGGI Ǵalamdyq jasyl ósý ınstıtýtyna qosylý máselesine arnaldy.
Qazaqstan Respýblıkasynyń memlekettik organdaryna tıisti halyqaralyq uıymdarmen yntymaqtastyqtyń tıimdiligin arttyrý boıynsha, sonyń ishinde halyqaralyq uıymdardyń saılanǵan jáne jarǵylyq organdaryna Qazaqstan azamattaryn alǵa jyljytý boıynsha, usynystar berildi.