Qazaqstanda memlekettik shekarany mejeleý men shegendeýdi júrgizýdi tehnıkalyq qamtamasyz etý úderisin zańnamalyq retteý josparlanyp otyr. Onyń ishinde, kartografııalyq, geodezııalyq, topografııalyq, gıdrografııalyq jáne aerofototúsirilim jumystaryn júrgizý týraly aıtylady. Bul týraly sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady.
Bul norma «Geodezııa jáne kartografııa týraly» zańmen geodezııa jáne kartografııa salasyndaǵy ýákiletti organnyń quzyretinde kózdelgenin atap ótemiz.
Bul jańa engizilim «Qazaqstan Respýblıkasynyń Memlekettik shekarasyn mejeleý men shegendeýdi júrgizýdi tehnıkalyq qamtamasyz etý týraly qaǵıdalardy bekitý týraly» Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstri buıryǵynyń jobasyna engizýge usynylady.
Buıryq jobasyn qabyldaý áleýmettik-ekonomıkalyq jáne quqyqtyq saldarlarǵa ákep soqpaıdy. Sondaı-aq memlekettik bıýdjetten qosymsha qarjy shyǵyndaryn qajet etpeıdi.