Jolaýshylar kóliginiń qatysýymen jol-kólik oqıǵalarynyń jıileýine baılanysty, avtomobıl joldarynda jolaýshylar men júkterdi tasymaldaýdy júzege asyratyn júrgizýshiler arasynda kóliktik tártipti arttyrý, jolaýshylardy tasymaldaý qyzmetin tirkeýsiz júzege asyratyn azamattarǵa qatysty baqylaýdy jetildirý maqsatynda Mańǵystaý oblysynyń aýmaǵynda kóliktik baqylaý ınspeksııasy jáne memlekettik kiris departamenti qyzmetkerlerimen birlesip «Taksı» jedel-profılaktıkalyq is-sharasy ótkizildi. Bul týraly Mańǵystaý oblystyq Polısııa departamenti baspasóz qyzmeti habarlady.
Is-sharany ótkizý barysynda oblys boıynsha taksı júrgizýshilerimen jasalǵan 93 ákimshilik quqyq buzýshylyq derekteri anyqtaldy. Atap aıtqanda, zańsyz jolaýshylardy tasymaldaý boıynsha 80, zańsyz qaıta jabdyqtaý boıynsha 1, kólik quralyn uıaly telefon qoldanyp basqarý boıynsha 4 jáne kólik quralyn mindetti saqtandyrý polısi joq jáne tıisti qujattary joq kúıde basqarý boıynsha 1 ákimshilik quqyqbuzýshylyq anyqtaldy.
Mańǵystaý oblysy