Prezıdent Qasym-Jomart Toqaev Qyrǵyzstanǵa memlekettik sapary aıasynda Qyrǵyzstan basshysy Sooronbaı Jeenbekovpen shaǵyn quramda kezdesý ótkizdi.
Ala Archa rezıdensııasynyń «Aqsaqaldar» zalynda ótken kezdesýge elimizdiń delegasııasy sapynan Syrtqy ister mınıstri Muhtar Tileýberdi, Úkimet basshysynyń birinshi orynbasary – Qarjy mınıstri Álıhan Smaıylov, Prezıdenttiń kómekshisi Murat Nurtileýov, Qazaqstan Respýblıkasynyń Qyrǵyz Respýblıkasyndaǵy Tótenshe jáne ókiletti elshisi Qaırat Nurpeıisov, Ekologııa, geologııa jáne tabıǵı resýrstar mınıstri Maǵzum Myrzaǵalıev qatysty.
Eki memlekettiń basshylary Qazaqstan men Qyrǵyzstan arasyndaǵy strategııalyq seriktestiktiń qazirgi ahýaly men perspektıvalaryn talqylady.
Arnur ASQAR,
«Egemen Qazaqstan» – Bishkekten