Búgin soltústikqazaqstandyqtar Aýylsharýashylyǵy, azyq-túlik jáne óńdeý ónerkásibi kúnin atap ótti. Aýa-raıynyń qolaısyzdyǵyna qaramastan oblys dıhandary bıyl bes mln tonnadaı astyq alǵandary aıtyldy. Sonymen birge búgingi tańda oblys salany ártaraptandyrý jumysyn júrgizýde de alda kele jatyr.
Oblys ákimi Qumar Aqsaqalov dıhandar men osy salanyń basqa da eńbekkerlerin quttyqtap, Qurmet gramotalaryn jáne basqa da syılyqtar men ataqtar tapsyrdy. Ondaılardy alǵandar sany alpys adamdaı boldy.
«Bıylǵy aýa-raıynyń qıyn jaǵdaıyna qaramaı biz elimizdiń azyq-túlik qaýipsizdigin arttyrý jolynda aıanbaı ter tógip, jaqsy nátıjege qol jetkizdik. Bul qurmetti mehanızatorlar, traktorshylar, kombaınshylar, agronomdar, ınjenerler sizderdiń eńbekterińizdiń arqasynda qol jetkizilgen tabys boldy» dep atap ótti ol óziniń sózinde.
Soltústik Qazaqstanda óńdeý kásiporyndarynyń sany da jyl saıyn arta túsýde. Bıyl ǵana úsh sıfrly sút fırmalary paıdalanýǵa berildi. Aldaǵy ýaqytta osyndaıdyń onyn salý josparlanyp otyr. О́ńir agrarlyq sektorǵa ınvestısııa tartýdan da kórshilerge qaraǵanda alda keledi. Qurama jem shyǵaratyn «Kazmeal» JShS osy ádispen iske qosyldy. Bul jobaǵa barlyǵy 4 mlrd teńge quıylsa, sonyń jartysyn sheteldik áriptester saldy.
Soltústik Qazaqstan oblysy