QMDB «Zeket» qorynyń О́skemen aımaqtyq bóliminiń uıytqy bolýymen Shyǵys Qazaqstan oblysy Ulan aýdany Bozanbaı aýylynyń turǵyny, kópbalaly D.Altaıhannyń otbasyna 4 bólmeli úı berildi. Bul týraly Shyǵys Qazaqstan oblystyq «Halıfa Altaı» meshitiniń baspasóz qyzmeti habarlady.
Izgilik sharasy Máýlit merekesiniń qarsańynda «Meıirim nury» atty rýhanı keshte jasaldy. Baspana kiltin QMDB Ýaǵyz-nasıhat jáne qoǵammen baılanys bóliminiń basshysy Batyrjan Mansurov jáne QMDB О́skemen aımaǵynyń bas ımamy Ermek Qasbolatuly tabys etti. «Qazaqstan musylmandary dinı basqarmasy «El úlesi-páterge» aksııasyn jarııalaǵan bolatyn. Osy aksııanyń nátıjesinde el kóleminde búgin mine, 150-inshi otbasyǵa baspana tabys etilip jatyr. Bul Alla Elshisiniń (s.ǵ.s) ardaqtaǵan eń bir saýapty isteriniń biri, uıymdastyryp jatqan ókildiktiń úlken eńbeginiń nátıjesi» dedi B.Mansurov.
Baspanaǵa ıe bolǵan kópbalalay D.Altaıhannyń otbasy ıgi isti uıymdastyrýshylarǵa alǵystaryn bildirdi. «El úlesi-páterge» jobasy óńirde aldaǵy ýaqytta da jalǵasyn tabatyn bolady.
О́SKEMEN