Jıynǵa Memlekettik hatshy Qyrymbek Kósherbaev, Premer-Mınıstrdiń orynbasary Berdibek Saparbaev, Aqparat jáne qoǵamdyq damý mınıstri Dáýren Abaev, «Otandastar qory» KEAQ prezıdenti Nurtaı Ábiqaev qatysýda.
Shara aıasynda Dúnıejúzi qazaqtarynyń qaýymdastyǵy men qor ókilderi qyzmetteriniń negizgi baǵyttary, onyń ishinde shet elderdegi qandastarmen mádenı-gýmanıtarlyq jáne iskerlik baılanysty keńeıtý ári nyǵaıtýdy kózdegen «Otandastar» qorynyń negizgi jobalarynyń biri «Qazaq úıi» Qazaq mádenı-iskerlik úıiniń quramyna kiretin iskerlik úıleri men mádenı ortalyqtarynyń álem boıynsha jelisin qurý jospary talqylanady. Birlesken jumystyń naqty usynystary ázirlenedi.
Qatysýshylarǵa Qazaqstannyń ınvestısııalyq áleýeti men óńirlerde bıznesti damytý úshin jasalǵan jaǵdaılar jaıynda aqparat beriledi. «Atameken» iskerlik úıiniń paneldik sessııasynda Iskerlik úıiniń maqsaty men mindeti, otandastardy konsýltasııalyq qoldaý ortalyǵynyń jumysy jaıly aıtylady. Shet elderde ótkizilgen bıznes forýmdar qorytyndylanady. Túrkııa, Shvesııa, Eýropa elderinen kelgen qandas kásipkerler sóz sóıleıdi. «QazAgro», «Báıterek» holdıngteri men «QazaqInvest» UAQ óz taraptarynan qandas kásipkerlerdi qoldaý múmkindikterimen bólisedi.
Jıynǵa 20 eldegi qazaq dıasporalarynan 150 delegat qatysyp otyr.