Bıyl Nur Otan partııasy Almaty oblystyq fılıaly men aýmaqtyq partııa fılıaldarynyń qoǵamdyq qabyldaý bólmelerine 5015 adam aryz-shaǵym aıtyp júginipti. Olardyń arasynan 2426 ótinish oń sheshimin taýyp, qanaǵattandyrylǵan. Iаǵnı, partııaǵa senim artqan turǵyndardyń 48,3 prosentiniń úmiti aqtaldy.
Jaqynda partııa tóraǵasy Nursultan Nazarbaev «nurotandyqtar» aldyna jańa talaptarqoıǵan bolatyn. Jergilkti uıymdar osy talaptardy eskere otyryp, partııa fılıaldary organdarynyń, partııalyq baqylaý komıssııalarynyń, sybaılas jemqorlyqqa qarsy kúres jónindegi qoǵamdyq keńesterdiń jumystaryn kúsheıtý, partııa «quramyn tazartý»jumystaryna qyzý kiristi.
Syndarly jumys nátıjesinde jyl basynan beri sybaılas jemqorlyq áreketterine jol bergen jáne partııa jarǵysyna saı kelmeıtin jat qylyqtar kórsetken 1 partııa múshesine eskertý berilse, 14 adam partııa qatarynan shyǵarylǵan eken. Sondaı-aq, partııalyq baqylaý komıtetiniń 3 otyrysynda 24 adamǵa qatysty partııalyq jaza qoldanylypty.
- Nur Otan partııasynyń búgingi ustanymy – azamattardyń ótinishterin tıimdi jáne jedel sheshý úshin qoǵamdyq qabyldaýlardyń jumysyn jańǵyrtý bolyp otyr. Nátıjesinde, memlekettik mekeme basshylary azamattardy qabyldaýda belsendiligi artyp, sonyń arqasynda halyqtyń kóptegen suraqtary jyldam jáne tıimdi sheshilýde. Jalpy, áleýmettik saýalna qorytynsy boıynsha, quqyq qorǵaý salasyna qatysty máseleni sheshýde partııaǵa degen halyq senimi sottan keıin ekinshi orynda tur, - deıdi Nur Otan partııasy Almaty oblystyq fılıaly tóraǵasynyń orynbasary Gúlnár Toılybaeva.