Bıylǵy Qazaqstannyń О́zbekstandaǵy jyly san túrli qyzǵylyqty is-sharalarǵa toly bolyp otyr.
Mádenı baǵdarlamalar aıasynda Tashkenttegi «Túrkistan» óner saraıynda áıgili ánshi, Qazaqstannyń halyq ártisi Maqpal Júnisovanyń konserti ótti. Atalǵan is-sharany О́zbekstan Memlekettik fılarmonııasy, О́zbekstan Respýblıkasynyń Mádenıet mınıstrligi jáne Qazaqstan Respýblıkasynyń Mádenıet jáne sport mınıstrligimen birlesip uıymdastyrǵan bolatyn.
Qazaqstan estradasy jaryq juldyzdarynyń biri Maqpal Júnisova qyryq jyldaı ýaqyttan beri óziniń ónerimen kórermenderin kól-kósir qýanyshqa bólep keledi. Ol qazaq ulttyq án ónerine súbeli úles qosyp júrgen aıtýly tulǵa ekeni belgili.
«Túrkistan» saraıynda «Astana sazy» etno-folklorlyq ansambli men Saz@Soul vokaldy-aspaptar ansambliniń súıemeldeýimen ótken konsertte ózbekstandyq kórermender qazaq ánshisiniń konserttik baǵdarlamasyn ystyq yqylaspen qabyldady.
– Qazaqstan men О́zbekstan arasyndaǵy dostyq nyǵaıa bersin!, – dedi ánshi. – Bul konsert qos el arasyndaǵy tatý kórshilik pen baýyrlastyq qarym-qatynastardyń ári qaraı damýyna yqpal etedi dep oılaımyn. О́zbek estradasyn óte jaqsy kóremin. «Iаlla» ansambliniń, Iýldýz Ýsmanovanyń ánderin jatqa bilemin jáne shyrqaı alamyn. О́zbekstandyq estrada juldyzdaryn qazaqstandyqtar qatty qadirleıdi. О́ıtkeni, elimizde olardyń ónerine tánti bolýshylar óte kóp.
Bizdiń halqymyzdyń júregin jaýlap, keń taraǵan birqatar tanymal ánderdi áıgili ánshi men kórermender birge shyrqady. Konserttik baǵdarlama jyly shyraıly, kóterińki kóńil kúıde ótti.
Fatıma QANAEVA
Shyrshyq qalasy (О́zbekstan)