Shymkent qalasyndaǵy hımııa-bıologııa baǵytynda oqytatyn Nazarbaev zııatkerlik mektebiniń oqýshysy Suńǵat Ábdirazaq «Kazakhland» oıyn-saýyq ortalyǵy» atty ulttyq qundylyqtardy nasıhattaıtyn joba jasady.
Erekshe joba mekteptegi ashyq esik kúninde tanystyryldy. Joba avtory jumysty Elbasynyń «Uly dalanyń jeti qyry» maqalasyn negizge ala otyryp jasaǵanyn, sondyqtan oıyn-saýyq ortalyǵy 7 seksııadan turatynyn málimdedi.
Tarqatyp aıtar bolsaq, «Ertegiler eli», «Arheologııa eli», «Qazaq án-jyry eli», «Jylqylar álemi», «Qolóner eli», «Ulttyq oıyndar eli», «Jyl on eki aı eli». Ortalyqqa kelgen jas óskin túrli ulttyq oıyndarǵa qatysyp, kvesterdi izdep, aqyl-oıyn jetildiretin bolady.
Máselen, «Qazaq án-jyry eline» saıahat jasaǵan balalar edendegi túrli notany basý arqyly túrli kúı men áýenderdi estı alady. Dombyra, qobyz, sazsyrnaı syndy ultymyzdyń mýzykalyq aspaptarynyń beınesin LED ekrannan tamashalap qana qoımaı, odan qandaı ún shyǵatynyna da qanyǵa túspek.
Nazarbaev zııatkerlik mektebiniń oqýshysy Suńǵat Ábdirazaq: «Joba shyn máninde qoldaý taýyp, qalada boı kóteretin bolsa, onda týrıster úshin taptyrmas aımaqqa aınalar edi», deıdi.
Sonymen qatar ǵylymı-shyǵarmashylyq ıdeıalar jármeńkesinde jas ónertapqyshtardyń «Bio worlds», «Rýhanı jańǵyrý», «Robotics», «Ǵylymı laboratorııa», «Intellectum zone», «STEAM» jáne «Laıfhak» baǵyttary boıynsha 140-tan asa jumysy kórermen nazaryna usynyldy.
ShYMKENT