Qazaqstan Jazýshylary kitaphanasynda qazaqtyń asa kórnekti ádebıet ókilderi Beıimbet Maılın, Ilııas Jansúgirov jáne Sáken Seıfýllınniń 125 jyldyǵyna arnalǵan kesh ótti. Keshti aqyn Dáýletbek Baıtursynuly júrgizdi.
Is-sharada Qazaqstan Jazýshylar odaǵy basqarma tóraǵasynyń orynbasary, aqyn Baýyrjan Jaqyp, Almaty qalasy Áýezov aýdany ákiminiń orynbasary Dastan Qaıratuly, B.Maılınniń nemeresi Damen Ábilqasymqyzy, I.Jansúgirovtyń kelini Qarlyǵash Jansúgirova, Qazaq Ulttyq Qyzdar pedagogıkalyq ýnıversıtetiniń professory Lazzat Ádilbekova arystardyń ómir joly jaıly aıtyp, búginge jetken muralary saralanyp, shyǵarmalaryn áli de zertteýge baılanysty oılarymen bólisti.
Kópshilik nazaryna «Úsh báıterektiń» shyǵarmalar jınaǵy jáne de alash arystarynyń ómirinen syr shertetin estelikterdi qamtyǵan aýqymdy kórmege kitaphana meńgerýshisi Elena Aǵaısa bıblıografııalyq sholý jasady.
Shyǵarmashylyq keshti uıymdastyrýǵa uıtqy bolǵan B. Maılın atyndaǵy qoǵamdyq qordyń dırektory Saltanat Mustafına qatysýshylarǵa alǵys bildirdi. Úsh báıterekke arnaý óleńder arnalyp, kórinister kórsetildi. Belsene at salysqan qatysýshylar B.Maılın atyndaǵy medaldarmen, tósbelgilerimen jáne alǵys hattarmen marapattaldy.
ALMATY