Qoldaý jumystary jalǵasady

Qurmetti Bolat Shambetov myrza! Sizdiń «Egemen Qazaqstan» gazetinde jaryq kór­gen «Prezıdentimiz qýantty, mı­nıstrimiz muńaıtty» atty maqaladaǵy pikirińizben Má­denıet jáne sport mınıstr­ligi tolyq tanysyp shyqty. Jal­py alǵanda, jalaqy tóńireginde aıtylǵan pikirińiz oryndy.

Mádenıet jáne sport mı­nıstri Aqtoty Raıymqulova kadr tapshylyǵyn boldyrmaý úshin sala qyzmetkerleriniń eń­bek­aqysyn kóterý máselesin uda­ıy kóterip keledi. Sondaı-aq eńbekaqy mólsheriniń tómendigi mamandarymyzdyń baspana alýy­­na da kedergi bolyp kelgeni j­asyryn emes. Osy sebepter­men kitaphana men mýzeı, tea­tr­ salasynyń tájirıbeli qyz­met­­kerleri eńbekaqysy joǵary ju­mysqa ketýge májbúr bolyp,­ kadr tapshylyǵy týyndady. Mádenıet salasynda oryn al­­ǵan osy túıtkildi máseleni mı­nıstr­diń ózi udaıy nazarda ustap, tıisti oryndarda onyń oń sheshilýine yqpal etýi arqasynda is alǵa basty.

Prezıdent Qasym-Jomart Toqaev 2019 jylǵy 2 qyrkúıekte «Syndarly qo­ǵamdyq dıalog – Qazaqstannyń turaq­tylyǵy men órkendeýiniń negizi» atty Qazaqstan halqyna Joldaýynda Úkimetke mádenıet qyzmetkerleriniń eńbekaqysyn kóbeıtýdi tapsyrǵany belgili. Bul qoǵam tarapynan da elimizdiń rýhanııatyna degen erekshe qol­daý retinde zor qýanyshpen qabyldandy. Eńbekaqyny kó­terý boıynsha tıisti zań­na­­­malyq jáne qujattyq da­ıyn­dyqtar men usynymdar mı­nıstr A.Raıymqulovanyń qadaǵalaýymen birden qolǵa alyndy.

Eń aldymen «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Úkimettiń 2015 jylǵy 31 jeltoqsandaǵy №1193 qaýlysyna mádenıet salasy qyzmetkerleriniń jalaqysyna qatysty ózgerister men tolyq­tyrýlar engizý týraly usynystar jasaldy.

Osy usynysqa jergilikti atqarýshy organ, ıaǵnı ár oblys ákimdikterinen ja­laqyny kóterý boıynsha mı­nıstr­likke arnaıy jospar usynýdy da suratqan bolatyn. Nátıjesinde respýblıkalyq mádenı uıym­dardyń qyzmet­kerlerine laýa­zymdyq jalaqy­nyń 50% mól­sherinde, al kom­mýnaldyq (aımaqtyq) uıym­dardyń qyz­met­kerlerine la­ýa­zymdyq jalaqynyń 35% mólsherinde qosymsha tó­lem­der belgileý arqyly eń­bek­aqyny kóteretin boldy. Ne­gizi mınıstrlik máde­nıet jáne óner uıymdary qyz­met­ker­­­leriniń jalaqysyn budan da joǵary kóterý máselesin qoz­ǵaǵan edi. Alaıda bul usy­ny­symyz basqa memlekettik or­gandardan qoldaý tappa­dy. Mádenıet jáne sport mı­nıstr­ligi nemese mınıstr jalaqyny kóterý mólsherin jeke-dara she­she almaıdy. Osy tus­ta res­­pýblıkanyń bıýdjetin ret­teıtin organdardyń kelisimi jalaqy máselesinde mańyzdy ekenin esterińizge salamyn. Osy­­men toqtap qalmaı, mınıstr aldaǵy ýaqytta da mádenıet salasy qyzmetkerleriniń eńbek­aqysyn kóterýde tabandylyq tanytatynyn jetkizgim keledi.

Aımaqtaǵy óner ujym­dary­nyń shyǵarmashylyq tabysy, el rýhanııatynyń ósip-órkendeýine qosyp jatqan úlesi men eńbegi árdaıym Mádenıet jáne sport mınıstrliginiń nazarynan tys qalmaıdy. Mınıstrlik óner ujymdary men naǵyz talant ıelerin qoldaý baǵytyndaǵy jumystardy áli de jalǵastyra beredi.