Jýyrda aýdandaǵy «Lýgansk» óndiristik kooperatıvi 600 bas malǵa arnalǵan taýarly sút fermasynyń alǵashqy kezegin iske qosty.
О́tken jyly da 600 basqa arnalǵan ferma ashylǵan. Kooperatıv jyl saıyn mal basyn kóbeıtip, súttiń sapasyn arttyryp, jumys kúshin ońtaılandyrýǵa mán berýde.
Kelesi jyly ekinshi kezeńde qalǵan 300 basqa shaqtalǵan ferma paıdalanýǵa beriledi.
Kooperatıv basshysy Petr Kýzmenkonyń aıtýynsha, jańa nysandardyń jumysy sút sapasyn jaqsartyp, ónim kólemin arttyrady.
Sút fermasynyń ashylýy - aýylǵa qosymsha jumys.
Oblystyq aýyl sharýashylyǵy basqarmasy mal sharýashylyǵy bóliminiń málimetinshe, sút fermalarynda 10 myńǵa jýyq iri qara bar.
Al, ótken jyldyń qorytyndysy boıynsha aýyl sharýashylyǵyna 19 mlrd teńge kóleminde ınvestısııa tartylǵan.
О́ńir sharýashylyqtary et jáne sút baǵyttaǵy iri qaranyń basyn kóbeıtý úshin 2017-2019 jyldar aralyǵynda 5 mlrd teńgege jýyq sýbsıdııaǵa qol jetkizgen.
Bıylǵy jyly 1,3 mlrd teńge kóleminde qoldaý qarjysy berilip, asyl tuqymdy mal basy 3,3 paıyzǵa kóbeıgen.
Al, «Lýgansk» óndiristik kooperatıvinde 6700 iri qara bar. Táýligine 15-16 tonna sút alynyp, jergilikti sút óńdeý oryndaryna tapsyrylady.