Jambyl oblysynda qant qyzylshasyn jınaý naýqany aıaqtaldy. Nátıjesinde 5494,9 alqaptan 173 748,8 tonna tátti túbir jınaldy. Bul kórsetkish ótken jylmen salystyrǵanda 7168 tonnaǵa artqan.
Bıyl zamanaýı aýylsharýashylyǵy tehnıkalaryn paıdalaný jáne joǵary surypty tuqym sebýdiń nátıjesinde, qant qyzylshasynyń ár gektarynan alynǵan ortasha ónim 316 sentnerdi qurap, rekordtyq kórsetkishke qol jetkizilip otyr. Bir ǵana Taraz qalasynyń sharýalary nebári 20 gektar qant qyzylshasynyń ár gektarynan 634,6 sentnerge deıin ónim alǵan. Sondaı-aq alynǵan ónim kólemi Merki aýdanynda 367,0, Baızaq aýdanynda 315,0, Shý aýdanynda 301, Qordaı aýdanynda 283,0, Jambyl aýdanynda 252,0 jáne Talas aýdanynda 250 sentnerdi quraǵan.
Búgingi tańda qant zaýyttaryna 135 564,1 tonna qant qyzylshasy ótkizilgen. Sonymen qatar 17 myń tonna qant óndirý josparlanǵan. Máselen, aǵymdaǵy jyly Jambyl oblysynda 5,6 myń gektar alqapqa qant qyzylshasy otyrǵyzylsa, onyń 105 gektary, ıaǵnı Jýaly aýdanynda 60 gektar, T.Rysqulov aýdanynda 45 gektar alqap jaramsyzdyqqa ushyraǵan bolatyn.