Almatyda «Rýhanı jańǵyrý» baǵdarlamasy aıasynda Áýezov aýdanynyń ákimi apparaty, «Nur Otan» partııasy aýdandyq fılıalymen jáne Qazaqstan Jazýshylar Odaǵymen birlesip, Qazaqstan jazýshylary kitaphanasynda, «Tarıhı-ádebı ólketanýdy damytý» jobasy aıasynda, oqyrmandarmen kezdesý uıymdastyryldy.
Aýdandyq ákimdiktiń málimetteri boıynsha, is-sharaǵa Qazaqstan Jazýshylar Odaǵynyń múshesi, jazýshy, jýrnalıst, aýdarmashy Kádirbek Segizbaev, I «Rýh» halyqaralyq onlaın-ádebı konkýrsynyń «Úzdik ádebı syn» nomınasııasynyń jeńimpazy, Prezıdent stıpendııasynyń ıegeri Bekzat Smadııar; aqyn, aýdarmashy Qýanyshbaı Qurmanǵalıev; jas jazýshy, «Qazaq Taıms» saıtynyń jýrnalısi Asan Álı qatysty. Olar oqyrmandarǵa jazyp jatqan shyǵarmalary jaıly keńinen áńgimelep, «Tarıhı-ádebı ólketanýdy damytý» jobasynyń mańyzdylyǵyn túsindirdi.
Qazaqstan jazýshylary kitaphanasynyń meńgerýshisi Elena Aǵaısa is-sharaǵa qatysýshylarǵa jyly lebizin bildirdi.