Aǵymdaǵy jyldyń jeltoqsan aıy Jambyl atyndaǵy jasóspirimder kitaphanasy úshin erekshe kezdesýlermen aıshyqtaldy. Osy oraıda Almaty oblysynyń Almaty qalasyndaǵy mádenı kúnder aıasynda jas aqyn-jazýshylarmen tanysyp, olardyń shyǵarmashylyǵyn nasıhattaý maqsatynda «Jetisýdyń jas qalamgerleri» taqyrybynda kezdesý keshi ótti.
Jas qalamgerler ózderiniń shyǵarmashylyǵynan óleńder oqyp, jıynǵa kelgen oqyrmandarǵa rýhanı kesh syılady. Ádemi áńgime, parasatty poezııa, áýezdi ánder oryndalyp, jas ádebıetshiler kesh qatysýshylaryn jalyqtyrmady.
Kesh barysynda birneshe jas qalamgerdiń kitabynyń tusaýy kesilip, kópshilikke jol tartty. Qazaq ádebıetiniń maıtalmandary da keshtiń qadirli qonaǵy boldy. Jas qalamgerler men oqyrmandarǵa aqyl-keńesin aıtyp, batasyn berip, jarqyn bolashaqqa jol siltedi.
Joǵary deńgeıde ótken sharaǵa oqyrmandar da rızashylyq tanytty. Jas qalamgerler kitaptaryn syıǵa tartyp, jıyn qatysýshylarymen estelikke sýretke túsip, tarqady.