Qytaıdyń Taıvý qalasynda frıstaıl-mogýldan álem kýbogynyń ekinshi kezeńi bastaldy. Atalǵan synda qazaqstandyq Iýlııa Galysheva kúmis medal jeńip aldy dep habarlaıdy Olympic.kz.
Galysheva 79,8 upaı jınap, álem kýbogynyń kúmisin enshiledi. Ol Olımpıada chempıony Perrın Laffonnan (81,4) oza almady. Úzdik úshtikke kanadalyq Jıýstın Dıýfýr-Lapýant engen. Erler arasynda qazaqstandyq Dmıtrıı Reıherd 6-orynnan kórindi. Básekede japonııalyq Ikýma Horıshıma (86,9) jeńiske jetse, kanadalyq Mıkael Kıngsberı (86,3) kúmiske qol jetkizdi. Qola medaldi fransııalyq Benjamen Kave (83,3) ıelendi.