Memleket basshysy Qasym-Jomart Toqaev «Men qazaqpyn» patrıottyq ánin oryndaıtyn chellendjdi qoldady dep habarlaıdy QazAqparat.
«О́te jaqsy bastama! Qoldaımyn! Bul án halyqtyń rýhyn kóterip, patrıotızmdi arttyrý úshin keń aýqymda dáriptelse oryndy bolar edi. Osyndaı dúnıeler eldi birlikke shaqyrady» dep jazady Prezıdent twitter-paraqshasynda.
Eske salsaq, Pavlodar qalasynyń orta mektepteri arasynda elimizdiń Táýelsizdik merekesine oraı erekshe chellendj bastaǵany týraly buǵan deıin habarlaǵan bolatynbyz. Áleýmettik jelide jarııalanǵanyna táýlik bolmasa da bul vıdeony 10 myńnan astam adam tamashalap, onyń 400-den astamy lúpil basqan. Bólisken adamdardyń qatary 600-ge jýyqtaıdy.
Aıta ketsek, Qýandyq Raqymnyń «Men qazaqpyn» ánin 2018 jyldyń 7 mamyrynda Qarýly kúshterdiń 3 myń sarbazy jaýyngerlik parad kezinde shyrqaǵan edi. Bul týyndynyń sózin aqyn Nurjan О́mirbaı, al ánin Jarashan Tólebaı esimdi jas kompozıtor jazǵan.
Án avtory Jarasqan Tólebaıdyń aıtýynsha, «Men qazaqpyn» áni keıingi býyn ókilderiniń shetel mýzykasyna elikteýi órship bara jatqan ýaqytta eldiń rýhyn oıatatyn qazaq áni jat eldiń dańǵazasyna toıtarys bolsyn degen maqsatta týyndaǵan.
https://www.youtube.com/watch?time_continue=6&v=fM_aNo_iYGs&feature=emb_logo