Almatyda jurtshylyq belgili akademık, qoǵam qaıratkeri Sultan Sartaevty aqtyq saparǵa shyǵaryp saldy.
Qaraly jıynǵa marqumnyń jaqyndary, shákirtteri, zııaly qaýym ókilderi, Almaty qalasynyń ákimi Baqytjan Saǵyntaev qatysty.
«Sultan Sartaevtyń Qazaqstan memlekettiliginiń qalyptasýyna qosqan úlesi sheksiz. Ol quqyq qorǵaý, zań júıesinde ólsheýsiz eńbek etip, óte daryndy, bilikti mamandar daıyndady» dedi qala ákimi qaraly jıynda.
Eske salsaq, tanymal ǵalym, Qazaqstan Ǵylym akademııasynyń akademıgi Sultan Sartaevtyń dúnıeden ótýine baılanysty Elbasy men Prezıdent onyń otbasy men jaqyndaryna kóńil aıtý jedelhattaryn joldaǵan bolatyn.