Májilis Tóraǵasy Nurlan Nyǵmatýlın bastaǵan parlamenttik delegasııa Bakýde ótip jatqan Túrkitildes elder Parlamenttik Assambleıasynyń sharalaryna (TúrkPA) qatysýda. Bul týraly Parlament Májilisiniń baspasóz qyzmeti habarlady.
Delegasııa baǵdarlamasy aıasynda «Túrki álemindegi parlamenttik dıplomatııa: beıbitshilik pen qaýipsizdik múddesindegi óńirlik yntymaqtastyqty nyǵaıtý» taqyrybynda plenarlyq otyrys ótip, onda Májilis Spıkeri Nurlan Nyǵmatýlın sóz sóıleıdi dep josparlanǵan.
Sondaı-aq ekonomıkalyq yntymaqtastyq, áleýmettik, mádenı jáne gýmanıtarlyq taqyryptarmen, qorshaǵan ortany qorǵaý jáne jáne tabıǵı resýrstardy paıdalaný,sonymen birge, halyqaralyq qatynastar jáne zańnamalyq máselelermen aınalysatyn TúrkPA turaqty komıtetteriniń usynymdary talqylanatyn bolady.
Sondaı-aq Parlament ókilderi Túrki áleminiń materıaldyq emes mádenı muralaryn qorǵaý týraly modeldik zańdar jobasyn qarastyryp, týrızm máselesine basa nazar aýdaratyn bolady. Qol jetkizilgen kelisimder men sheshimder Baký deklarasııasynda kórsetiletin bolady.
Májilis Tóraǵasy Nurlan Nyǵmatýlın sheteldik áriptesterimen birqatar ekijaqty kezdesýler ótkizedi dep kútilýde.