Qazaqstan Prezıdenti qyrǵyz halqynyń asa kórnekti rejısseri Bolot Shamshıevtiń qaıtys bolýyna baılanysty onyń otbasyna kóńil aıtý jedelhatyn joldady. Bul týraly Aqordanyń baspasóz qyzmeti habarlady.
«Bolot Tólenuly álemdik kıno ónerinde óshpes iz qaldyrdy. Ol eki el arasyndaǵy ǵasyrlar boıy qalyptasqan dostyq pen birlikti nyǵaıtýǵa zor úles qosty. Ol sahnalaǵan qazaq ádebıeti men dramatýrgııasy klassıkteriniń shyǵarmalary Qazaqstan men Qyrǵyzstan halyqtarynyń ortaq mádenı murasyna aınaldy. Bolot Shamshıevtiń esimi bizdiń júregimizde máńgi saqtalady dep senemin», – delingen jedelhatta.