Búgin Taraz qalasyndaǵy «Araı Plaza» bıznes ortalyǵynda balalarǵa arnalǵan Qazaqstan Respýblıkasy Prezıdentiniń «Biz – elimizdiń jarqyn bolashaǵymyz!» atty jańa jyldyq shyrshasy ótti. Memleket basshysynyń merekelik shyrshasyna Jambyl oblysynyń ákimi Asqar Myrzahmetov qatysty.
Aıtýly merekelik dýmanǵa Jambyl óńirinde turatyn 9-13 jas aralyǵyndaǵy 200 bala shaqyrtý alypty. Olardyń ishindegi 63 bala jetim jáne ata-anasynyń qamqorlyǵynsyz qalǵan bolsa, 68-i kópbalaly, al 61 búldirshin az qamtylǵan otbasylarynan shyqqan.
Prezıdent shyrshasyna qatysqan Asqar Myrzahmetov balalarǵa óziniń ıgi tilegin jetkizip, olardy kele jatqan jańa jyl merekesimen quttyqtady. Al, merekelik sharaǵa qatysýshy balalar ózderiniń ónerlerin ortaǵa salyp, kópshilik kózaıymyna aınaldy. Arnaıy daıyndalǵan konserttik baǵdarlama barysynda Aıaz ata men Aqshaqar jáne túrli jańa jyldyq keıipkerler balalarǵa qyzyqty oıyndar oınatyp, qatysýshylarǵa tamasha kóńil-kúı syılady. Shara sońynda qatysýshy balalarǵa syılyqtar men aqshalaı sertıfıkattar tabystaldy.