Dýaldyq júıe degenimiz ne? Almanııanyń ozyq tásilin qoldanýdaǵy maqsat nege kelip tireledi? Qazirgi tańda kásiptik bilim berýge elimizde erekshe nazar aýdaryla bastady. Elbasy N.Nazarbaev Qazaqstan halqyna Joldaýynda «Qýatty Qazaqstan degenimiz – eń áýeli óńirlerdiń qýattylyǵy. Eldiń bolashaǵy ekonomıkadaǵy keleshegi zor salalardyń damýymen baılanysty» dep atap kórsetken. Al dýaldyq júıe bolashaq mamandy mektep qabyrǵasynan jumys berýshi tańdap alyp, ári qaraı kásiptik bilim berip, bolashaq mamannyń bilimdi de bilikti kadr bolýyna yqpal etedi.
Dýaldyq júıe degenimiz ne? Almanııanyń ozyq tásilin qoldanýdaǵy maqsat nege kelip tireledi? Qazirgi tańda kásiptik bilim berýge elimizde erekshe nazar aýdaryla bastady. Elbasy N.Nazarbaev Qazaqstan halqyna Joldaýynda «Qýatty Qazaqstan degenimiz – eń áýeli óńirlerdiń qýattylyǵy. Eldiń bolashaǵy ekonomıkadaǵy keleshegi zor salalardyń damýymen baılanysty» dep atap kórsetken. Al dýaldyq júıe bolashaq mamandy mektep qabyrǵasynan jumys berýshi tańdap alyp, ári qaraı kásiptik bilim berip, bolashaq mamannyń bilimdi de bilikti kadr bolýyna yqpal etedi.
Úrjar kolledji 1960 jyly uıymdastyrylypty. Alǵashqy dırektory Ýálıhan Qanapııanov 22 jyl, odan keıingi basshy Orazambaı Turǵazın 23 jyl boıy bilim ordasynyń ystyq-sýyǵyna birdeı tózip, kásiptik bilim beretin ýchılısheni eki aıaǵynan tik turǵyzǵan. Qazirgi dırektory B.Turlybekov kolledjdiń jańa zaman talabyna saı bilim berýinde izdenis tanytýda. Dýaldyq bilim berý jaıly aýdannyń barlyq eldi mekenderin aralap, úgit-nasıhat jumystaryn júrgizýde. 53 jylda oqý ornyn myńdaǵan túlekter bitirip, kindik qany tamǵan aýyldarynda mehanızator, kombaınshy mamandyǵy boıynsha eńbek etip júr, keıbiri eńbek demalysynda. Qazir kolledj Taskesken aýylynda.
Bizdi qarsy alǵan dırektordyń orynbasary Qanaǵat Sharahmetov 30 jyldan beri oqý ornynda qyzmet etip keledi. Qanaǵattyń ákesi Marat Seıiljanuly da jubaıy Frıda Alekseevnamen birge kolledjdiń irgetasyn qalap, jas urpaqqa kásiptik bilim berýde kóp eńbek sińirgen syıly jandar eken.
Urpaǵy bilimdi halyqtyń bolashaǵy bulyńǵyr bolmaıdy degendeı, jas urpaqqa sanaly, ónegeli tárbıe men bilim berý búgingi kúnniń basty talaby. Egemendi elge eńbekti qadirleıtin, alǵa qoıǵan maqsatyna jetkenshe tynym tappaıtyn, básekege qabiletti jandar kerek. Qazir bizde aýdannyń Úrjar, Maqanshy, Naýaly, basqa da aýyldarynan jastar kelip, bilim alyp jatyr. Olarǵa slesar, aspazshy, fermer, omartashy, temir jonýshy, gaz elektrmen pisirýshi, basqa da mamandyqtar boıynsha bilim berip jatyrmyz. Shákirtterge barlyq jaǵdaı jasalǵan, tórt ýaqyt taǵam beriledi, shákirtaqysy bar. Aýdannyń burynǵy ákimi Baýyrjan Janaqov kómegin jasap turady, «Nıva» kóligi men «MTZ-80 « Belarýs» traktoryn syıǵa tartty.Aýdannyń tizginin jańadan ustaǵan bilikti basshy Serik Zaınýldın myrza da bilim ordasyna jan-jaqty qoldaý kórsetpek. Jataqhana jetkilikti, bos ýaqyttarynda zerthanaǵa kelip, biliktiligin arttyrady, –dep dırektordyń orynbasary Qanaǵat Maratuly biraz jaılardan maǵlumat bere ketti.
– Dýaldyq júıege Eýropanyń biraz memleketteri kóship jatyr.Úrjar kolledji óńirde alǵashqylardyń biri bolyp tıimdi jobamen jumys isteı bastady. Sharýa qojalyqtarynyń basshylary, ata-analar kolledjge kelip, jastardyń mamandyqty qalaı ıgerip jatqandarymen, kúni erteń senimdi aqtaı ala ma? degen saýaldarǵa jaýap aldy. Kolledj basshylary sharýa qojalyqtarymen baılanys ornatyp, túlekterdi jumysqa ornalastyrý máselesin talqylaıdy. Aýdanda 2737 qojalyq bar, onyń ishinde 639-ynyń jer telimi 200 gektardan asady. Demek, qaı qojalyqqa mamandar qajet, sol másele egjeı-tegjeıli talqylanady. Túlekter jumys izdep bas qatyrmaıdy, bári daıyn. Altynshoqy, Eginsý, Janaı, Tóleýbekov, Naýaly, Kóldeneń, Kókózek, Laıbulaq, Turlyhanov, Ýálıhanov orta mektepterinde orta mektepti bitirýshilermen kezdesý ótip, búgingi tańdaǵy kásiptik bilimniń mańyzy men máni, orny jóninde úgit-nasıhat jumystary júrgizildi. Sonyń nátıjesinde bıylǵy oqý jylyna 125 oqýshy qabyldanbaq. Bizdi tolǵandyryp otyrǵan jataqhana máselesi. Ony sheshý úshin qosymsha qarjy kerek. Al jastardyń kóbi «Fermer», basqa mamandyqtardy tańdady.Buryn kásiptik bilim beretin ýchılısheler Jańatilek, Úrjar, Maqanshy, Taskesken aýyldarynda bolǵan, endi tórteýi birigip, Úrjar kolledjine aınaldy, ońtaılanǵan oqý orny aldaǵy ýaqytta da jastarǵa sapaly bilim, sanaly tárbıe bermek, –dep áńgimege aralasty Úrjar aýdany ákiminiń orynbasary Qapsadyq Baısınov.
Kolledjdiń