Syrtqy ister mınıstri Muhtar Tileýberdi «Qazaqstan Respýblıkasy – Eýropalyq Odaq» Yntymaqtastyq Keńesiniń 17-shi otyrysyna qatysty. Bul týraly Syrtqy ister mınıstrliginiń baspasóz qyzmeti habarlady.
Shara barysynda Eýropalyq Komıssııanyń vıse-prezıdenti - EO-nyń Syrtqy ister jáne qaýipsizdik máseleleri jónindegi Joǵarǵy ókili Jozep Borrell, sondaı-aq, Eýropalyq Parlament depýtattary tobymen, onyń ishinde QR-EO Dostyq toby jáne Ortalyq Azııa men Mońǵolııa boıynsha Eýroparlament delegasııasynyń múshelerimen kezdesti.
Eýropalyq Parlament depýtattary Prezıdent Qasym-Jomart Toqaevtyń jańa demokratııalyq reformalarynyń áleýetin atap ótti. Depýtattar Prezıdenttiń eldegi ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qosylý týraly sheshimin, sondaı-aq, beıbit jınalystar, jala jabýdy dekrımınalızasııalaý, saıası partııalar qurý úshin shegin tómendetý jónindegi zań jobalaryn daıyndaý bastamalaryn qoldady.