Almaty qalasy ákiminiń ókimimen, Prezıdent Ákimshiliginiń jáne qalalyq máslıhat depýtattarynyń kelisimimen Alataý jáne Túrksib aýdandarynyń ákimderi bolyp Azamat Qaldybekov jáne Baqytjan Aqjarov taǵaıyndaldy.
Aýdandardyń jańa ákimderin tanystyrǵan Almaty qalasynyń ákimi Baqytjan Saǵyntaev olardyń Prezıdenttik jastar kadr rezerviniń ókilderi ekenin atap kórsetti.
«Memleket basshysynyń daryndy jastar úshin ashyq jáne tıimdi áleýmettik lıft qurý jónindegi ıdeıasy iske asýda. Almatydan rezervter qataryna 39 adam endi. Búgingi kandıdattar – aýdandar ákimderi bolyp qyzmet atqarýǵa barynsha daıyndyqtan ótkender. Biz olardan atalǵan aýdandarda turatyn almatylyqtardyń ómir súrý sapasyn jaqsartýda nátıjeli jumystardy kútemiz», - dep atap ótti Baqytjan Saǵyntaev.
Alataý aýdanynyń jańa ákimi Azamat Qaldybekov búgingi kúnge deıin Almaty qalasy jer qatynastary basqarmasy basshysynyń orynbasary laýazymynda boldy. Al Túrksib aýdanyna ákim bolyp taǵaıyndalǵan Baqytjan Aqjarov Almatynyń turǵyn úı saıasaty basqarmasynyń basshysy qyzmetin atqarǵan.
ALMATY